Tobadotoko 9:18 - Ma Jou ai Demo-demo o Totobelohoka

¹⁸ Nako o nyawa abe yososawaro de o nyawa abe manga parangi ma dae ingodumu, masara ka onangohi duru de manga buturungoka abe manga sosawaro ma hininga naga de ma enanga. Masara irahai homahitiari angamoi ngone o nyawa nanga datoro moi dika abe ibodo ka idadi ihiwedere nanga datoro ma rorahai ma ngoeika.

Tobadotoko 9:18 Iomraidhean Croise

2 Kokoano 21:2

De o Manase una duru wodiai abe itotorou Ma Jou o Yawe ai himangoka angamoi una waniiki o nyawa manga biaha abe ma dihira Ma Jou o Yawe wahihupu o Kanani ma tonakino. Ho ona gea Ma Jou wahihupu de waturuuru de o Isiraele ma nyawa abe onangoli wahigogere o Kanani ma tonakoka gea.

Tobadotoko 10:1

De gea imaketero abe hoka o minya ma bounu irahai de o gufuru moi dika yodohonenge genanguku hiadono ma minya ma bounu ihidadidorouoka. Hokogenangoo o bodo ma datoro ma hohutulu dika de ihirusaka o sosawaro ma amoko.

Tobadotoko 2:13

De tatailako ibooto de duru tohioriki abe nako o sosawaro de o bodo ma hininga masara koaho o sosawaro hatobanii-niiki nanga wowangoka. Abe gea ngade-ngade imakadaene hoka o dararono hohidotelega de o fufutu de hohioriki abe koaho hatobaniiki o dararono.

2 Timotiusu 3:8

De ona gea abe o rerehene ma dodotoko yatobadotoko o nyawaika, ona gea manga hininga itagi ka ma dorouika dika. De ona gea Ma Jou waolukoka angamoi manga ngongaku ma dumutu gea ko Unangikaua. De ona gea duru yalawana nanga dodotoko ma gou-goungika abe imaketero hoka ma dodihiraka abe ma oraha Ma Jou ai uru ma dodofanga o Musa. Abe naga ma oraha gea ona yahinooto o Yanese de o Yamberese, de ona gea iwilawana o Musaika.

Yosua 7:1

Masara o Isiraele ma nyawa gea Ma Jou o Yawe ai behehongo onangika yao ko itiaiua abe o Yeriko ma nyawa manga kiahonanga mata-mata ona kiani iwidingakoka Unangika. Ma Jou wato ena gea kiani yahihuba Unangika de o bobinaaha, masara naga womatengo ai romanga o Akana, una ko wohingounua Ma Jou ai behehongika. Abe ngaro ma kiahonanga gea kiani ona iwidingaka Ma Jouika masara naga utu o Akana gea womagorakoka. O Akana gea o Isiraele ma nyawa abe womahidutu o Yehuda ma dutuika de ai baba o Karami. De o Karami ai babali o Sabadi, de o Sabadi to una ai babali o Sera ho o Akana wokuwewete o Seraika. De ona gea mata-mata o Yehuda ai toforauku yadaene abe una o Isiraele ma nyawa manga dutu moi abe ona o dutu yangimoi de yahinootoino. De naa o Akana womagoraka o Yeriko ma kiahonangino abe kiani idadi manga huhuba Ma Jouika ho Ma Jou ai ngamo duru itagi ihauku o Isiraele ma nyawaika ma titi gea o Akana wodiaioka. Masara o Isiraele ma nyawa utu ko ihiorikuahi ma titi to Akana ai howono gea. De gea o Yeriko ma nyawa yahikalaka ho ona ato naa ka idadi yogila-gila o Kanani ma nyawa yahikala mata-mataika.

Yosua 7:5

De o Ai ma kota o loku ma tubuoka ho o Ai ma nyawa yomulaenge daku manga kota ma ngoranoka de yakiniiki yahidodohuku o Isiraele ma tentara dau ma geleforuku. De naga ma geleforoka gea o Ai ma nyawa manga baiti abe ma dihiraino yomabaiti manga kota ma dadaduhu ma hakaru genangoka. Ho gea o Isiraele ma tentara yoara youti ma geleforuku de genangoka o Ai manga tentara yadaene. Ho ka de o Isiraele manga tentara yadaene de yatoma ngade-ngade yamoruange de yabutaanga. De hokogea idadi de o Isiraele manga tentara duru manga domoroini ko iwaka angamoi duru yohawanoka ho yoara ka hiadono to ona manga doomu ma ngiika.

1 Samuele 14:30

Ho nako hoka kangano una ko wonahikobotua, ahao nanga gogianongoru tanu ka idadi yolomo dika ma oraha yamake ma inomo abe naga nanga musu manga hidogoronaka. De gea nako yolomo ahao manga buturungu ka ilio manga badangino de to ngone nanga musu o Filistina ma nyawa utuohi yowoe abe ka idadi hahikala de hahohonenge! Masara hiokoo ma hikoboto ma demo gea inatotapupana!”