Tobadotoko 7:9 - Ma Jou ai Demo-demo o Totobelohoka

⁹ Ufa homahigunoa la itaiti nanga ngamo ifaeiye nanga hiningaka, angamoi gea o bodo ma nyawa abe yotobangamo.

Tobadotoko 7:9 Iomraidhean Croise

Dodadi 4:8

De o Kaini ahao o Habelika wihigaro wato, “Dodoto, abeika hoiki doka ma honongaika.” Ho o Habele wiaoika ma hoanoka de genangoka de ka itodokanino wibaatika de ai dodoto witomaka.

2 Samuele 13:22

De o Abasalomo unangoo duru wingamo o Anonika ma titi womihimalekoka to una ma hirete ngoi biranga o ngo Tamarika. Ho una duru ko witemo-temokaua ai riaka o Anonika.

2 Samuele 13:28

De ahao o Abasalomo wahuloko ai duduhunika wato, “Ngini kiani nitotoihene ahi demoino naa. Bootino abe ma oraha o Anono o angguru wokere hiadono iwidalukoka, gea ahao tinihingahu abe ma oraha adonoka la niwitoma unangika. De gea ngaro ufa de ngini nihawana angamoi ngohi dika tinihuloko la hokogea nidiai. Ho ngini kiani nimahitomoroini dika de nidiai imaketero hoka ahi demo nginika!”

2 Samuele 13:32

De duru ma oraha gea o Dautu ai riaka o Simea ai ngofaka woboa ma koano ai himangino, de to una ai romanga o Yonadaba. Ho o Yonadaba gea wotemo o Dautika wato, “Ahi koano, ufa hiadono ngona nangaku dika o abari ma demo gea ma titi ani ngofaka mata-mata yokokihonengoka. Ngohi tato bote gea o Anono dika wohonenge. Angamoi naa ma dekanino o Abasalomo wihideeoka wato witoma o Anono ma titi ai datoro ma dorou gea abe womiribuutu ngoi biranga o ngo Tamara. Ho ngohi tato ka o Anono dika wohonenge, ko mata-mataua ani ngofaka.

Tobadotoko 7:10

Ufa hotemo hato, “Nako nanga wowango ma dihiraino de abe ma oraha naa naga masara ka ma dihirainohi nanga wowango irahai.” Angamoi o demo hokogea ko ihititiua o sosawaro ma hiningaino.

Yunusu 4:3

Ho o Yunusu wohidungonoka de wato, “Ho naa, Ma Jou o Yawe, nako hokogea naduhunu nanga musu, koaho ngohi tohonengoka la ibooto tohohininga abe naa naduhunoka onangika. Ngohi towango ko toigokaua, ho koaho tohonenge dika toigo.”

Yunusu 4:8

De ahao o wange ma gurutiyeoka de Ma Jou wohiboaino o hidaloko abe o wange ma hiwariha italoko ho o wange duru kohahauku. De o Yunusu iwidahauku hiadono ai hininga ihihihanga ho duru woigo la wohonenge dika hiadono womatemo wato, “Nako ka towango-wangohi eko tohonenge, ngohi tato koaho tohonenge dika.”

Yunusu 4:9

De Ma Jou wileha o Yunusika wato, “Ahi ngofaka mode itiai nongamo hokonaa ma titi ma gumi-guminika abe ihonenge gea?” De o Yunusu wopaluhu wato, “Nako ngohi, marai tato itiai tongamo dika, ngaro hiadono ka todohonengika.”

Maruku 6:19

O Yohanese ai demo gea o ngo Herodiasa moihene ho midohata o Yohanesika de hiadono ami hininga migogonuku ho naga ami hidee la mitoma unangika. Masara muna ko madadiua mitoma

Maruku 6:24

De wohibehehongo ibooto de ahao muna mohupu de moleha ngomi memeika mato, “Meme, ho naa o kia tomagahoko?” De muna mopaluhu mato, “Koua. Abe kiani nogahoko gea o Yohanese Wotobaohi-ohiki, una gea nogahoko to una ai pea.”

Yakobusu 1:19

Ahi gogianongoru abe duru tinidora nginika, abeika niafikirohi naa ahi demoino. Kiani ngini homoi-homoi niamagawe nitotoihene Ma Jou ai demo abe ka ma gou-goungika. De masara nako ti ngini ma hirete nia demo, gea kalioli ka nimataiti nimahingahu ti ngini ma hirete nia hininga. De naa moioli tinihibehehongo, tato kalioli ka nimataiti nia ngamo ipudaiye.