Tobadotoko 7:5 - Ma Jou ai Demo-demo o Totobelohoka

⁵ De nako o sosawaro ma nyawa manga dodaere ma demo ngoneino de o bodo ma nyawa manga higiriiri ma demo, gea koaho hotoihene o dodaere ma demoika de hamalaika dika o higiriiri.

Tobadotoko 7:5 Iomraidhean Croise

Sosawaro 17:10

Nako ma titi o toduba hodiai o nyawaika abe yanii-niiki o sosawaro ma gou-goungu, ona gea ma moi dika hataere de naga ma hasili ma rorahai manga wowangoka. Ma nako o bodo ma nyawaika o toduba ma dadaere hodiai, gea ko hamakeua ma hasili enangino. De ngaro de o boboha hapoha hiadono o ratuhu moiino masara manga wowangoka ko hamakeua ma hasili ma bobohaino gea.

Sosawaro 27:6

Nako hiadono ani dodiawo inidotoko moi hiadono inihiodiri, gea manga hininga ma doraka de aino yodiai. Masara nako hiadono ani musu inibounu ngonaika, gea nomahidodiai done inibudioka!

Sosawaro 6:23

Abe ani dimonino mia behehongo de mia dodotoko ngonaika gea idadi ani hilo abe inihitararono ani wowango ma dodagioka. De ahi ngofaka, ma oraha ngomi miamake ani wowangoka abe kiani minihohowono de ahao minitaere la mia dodotokino minihitiai de minihidumutu o wowango ma gou-goungika.

Sosawaro 9:8

Abe ka de ngini niataere onangika abe yotobahohedu de ahao ona inidohata dika ho ngaro ufa de niaduhunu onangika. Masara ka de ngini niataere onangika abe yososawaro de ona yotarimakase nginika de utuohi manga dora ilamoko nginika.

Tobadotoko 7:4

De o nyawa abe yoigo yomadotoko la yodogo yosawaro, ona yoiki yomadotoko onangoka abe yahigari manga riaka yohonengoka. Masara o nyawa abe yosanangi dika yobodo, ona gea yatobaniiki o rame-rame la yomahisosanangi dika.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.