Tobadotoko 7:2 - Ma Jou ai Demo-demo o Totobelohoka

² Ngone koaho haniiki ma doomu abe o nyawa yagari manga gianongoru yohone-honengoka angamoi genangoka ka idadi homadotoko de hongano-nganono ma titi nanga wowango ma dumutu homoi-homoi gea o hone-honengika. Masara nako o rame-rame de o ngolo-ngolomo dika hatobaniiki, gea tanu ko inahiutumua nanga hiningaka.

Tobadotoko 7:2 Iomraidhean Croise

Tobadotoko 2:14

Angamoi o sosawaro ma nyawa ona ka idadi yamake manga wowango ma ngekomo de manga dumutu enangoo ihioriki. Masara o bodo ma nyawa ona ka yotagi-tagi o fufutuoka. De masara ngaro o sosawaro ma nyawa de ngaro o bodo ma nyawa masara ona mata-mata manga bahauku de ka imakoketero dika, abe ma titi ona yoborihonenge dika.

Tobadotoko 2:16

Angamoi ngaro o sosawaro ma nyawa de ngaro o bodo ma nyawa masara ona yoborihonengika de ko itedekanuahi de manga romanga de manga wowango o nyawa ko yahiningakaua! Ho ngohi tato hiokoo abe o sosawaro ma nyawa onangoo kiani yohonenge imaketero hoka o bodo ma nyawaoo yohonenge!

Gegetongo 23:10

Ko moiua yapoa yaetongo o Yakubu ai totoforauku, Onagona yakunu yaetongo o dunia ma tonaka ma mui? Igoungu, hoka o tonaka ma kafo, ona o dunia ma lokuika atamunu. Ho ngaro ona yomaregu iata masara o regu moi de manga ngoe, abeika! Ngone ko hapoaua haetongo manga ngoe ngaro o regu moi dika. Ngohi toigo la to ngohioo ahi totiai hoka to onangoli manga totiai, Ho de ma oraha yohonenge de Ma Jou wahiowa onangika, De ngohioo nako adonoka ahi wowango ma baha de duru toigo, La Ma Jou wohisanangi ngohino imaketero hoka wasanangi onangika.” Hokogea o Bileama ai dakoro ma demo itiai abe wamake Ma Jouino.

Matiusu 5:4

De abe o nyawa naga de manga hininga ma huha, onangoo yamake ma hiowa Ma Jouino angamoi Una ahao walaru ona manga hiningaka.

Higalioli 32:29

Masara Ngohi duru toigo la ona naga manga sosawaro de ka idadi yataoko ahi hitiari ma demo naa, la gea ka idadi ihioriki abe ahao o kokangela yadaene onanguku.

Higalioli 32:46

“Abe ma behehongo ma demo mata-mata tinidofanga nginika o wange naa, ngini kiani ka ihikaika nimahihohininga de nianiiki enangika. De kiani niadotoko ma demo mata-mata gea nia ngofa-ngofakika la onangoo ka idadi yatobaniiki enangika.

Filiipi 3:19

De ona gea ahao kiani manga bobaha yamake, abe yahohowono ka hiado-adonika. To ona manga badanga ma hafini, genangika yomahijou, abe ka ihikaika manga horoodo yomahidailako. De o dorou o kia dika abe o nyawa utu yodiai de ka yomahimaleke, ma masara ona gea yodiai de ona ka yomahigiriiri dika, angamoi ona ko yamaokaua o maleke. De manga hininga ma dumutu duru itagi o kiaika naga o duniaka naa. Ho ona gea hokogea dika manga wowango.

Ibarani 9:27

De ngone hohioriki abe ngone o nyawa homoi-homoi nako nanga bobaha o duniaka adonoka de gea kiani hohonengoka. Masara gea ma moi dika hohonenge, de ipaha ahao Ma Jou wonatailako de wonaurusu ma titi nanga wowango homoi-homoiino.