Tobadotoko 7:18 - Ma Jou ai Demo-demo o Totobelohoka

¹⁸ Ho ngohi tato irahai ahi hitiari ma demo hinooto gea mata-mata hatobaniiki la nanga horomati itagi Ma Jouika. Abe ufa ma demo moi dika hasoika de abe moioli gea hamalaika.

Tobadotoko 7:18 Iomraidhean Croise

Sosawaro 8:20

To ngohi ahi ngekomo ka ma totiai dika ma dumutu ho nako ngini nihiniiki ngohi ahi ngekomoka de ngini niamake nia wowango ma hiaturu ma putuhu abe duru itaana ma totiaiika.

Tobadotoko 12:13

De naa ngini niihenoka ahi demo mata-mata, ho naa tohidotoomuino ahi demo ka ma moi. Abe ngohi tonahigaro tato ngone kiani naga nanga horomati Ma Jouika de hatobaniiki to Una ai pareta ma demo ngoneino, angamoi ai pareta gea inahingahu to Una ai mau ngone mata-mataino.

Tobadotoko 3:14

De naga ma titi moioli abe duru tohioriki. Abe o kia dika Ma Jou wodiaioka, gea ahao itongohono ka hiado-adonika. Ko idadiua ihidogo enangika, de ko idadiua naga to ena ma kuranga. De gea Ma Jou wohiaturoka hokogea la ngone o nyawa homoi-homoi hamake ai datoro de ahao naga nanga borihoromati Unangika.

Maleaki 4:2

“Masara ngini onagona dika abe naga nia horomati de nia hingounu Ngohino, gea duru nimakohowono de ona abe tahohowono ma oraha gea. Abe ngini ahao nia wowango ma datoro ma totiai imahilaku nginioka hiadono duru nigogarago. De mangale ma titi nia datoro ma totiai ahao ka idadi inihitogumu nia kangelaino. Ho ma oraha gea de ngini ko niakunua niatumungu nia gogarago ho hiadono ka inihirarama nia garago gea. Abe ngini niamao nimaketero hoka o totaleo abe ihihupu ma kurungaka de aika ma homoaika la ihoho aika aino.

Lukasa 1:50

De ai hininga ma dora ahao itagi o nyawaika, Ona mata-mataika itagi iti iwihoromati Unangika, De hiadono o nyawa yolape-lapeuku yamake ai dora gea.

Lukasa 11:42

“Masara ngini o Farisi ma nyawa ahao nia hohowono duru kohadubuho! Angamoi ngini tanu ko niolegaikaua Ma Jou ai hiningaika. Abe ngini duru nihidodiai la niahidoaka Ma Jouika nia hasili ma utumu o regu moi abe nia regu ngimoiino. De ngaro naga moi duru ma eteteke dika ngini niamake nia redioka masara gea nihidodiai niaregu ngimoi la to ena ma regu moi niahidoaka Unangika. De gea irahai abe niahidoaka ma regu moi, masara naga utuoli ma pareta abe ka enangohi ikurutiye de ena gea ko niolegaikaua! Angamoi ngini naa ko niolegaikaua abe kiani naga nia wowango ma datoro itotiai. De nagali abe ngini niao o nyawaika ko de nia hininga ma doraua. Abe ma pareta ka enangohi ikurutiye Ma Jou ai himangoka masara gea ngini ko nianii-niikua.”