Tobadotoko 5:11 - Ma Jou ai Demo-demo o Totobelohoka

¹¹ Abe ngaro to ngone nanga kaya ka idogo, masara de ahao o nyawaoo yodogo-dogo abe yoboa yomagahoko ngoneino! Ho tanu ko iwa ma utumu nako ngone de nanga tiwioka, angamoi ngone ka jai-jai dika homalega enangika de ahao nanga tiwi gea ka aiaho!

Tobadotoko 5:11 Iomraidhean Croise

Dodadi 12:16

De angamoi o Firaunu gea wofikiri o Abaraama wodadioka ai geri ho woigo wiao irahai ho naga ai hidoaka ilamoko o Abaraamika. Abe wahuloko ai huhulokika yamuruono naga o ngo-ngofeka de o nau-nauru wato, “Ngini naa ngohioka ibooto nikarajaanga la ahi geriokali nikarajaanga.” De naga ai hidoaka utuohi o Abaraamika o aewani ma ngoe ma beka de ma nauru abe naga o domba, o hapi, o keledai de o unta ma ngoe. De hokogea o Firaunu wihidoaka mata-mata gea o Abaraamika la unangoli ma aewani gea wapaliara.

Dodadi 13:2

De ma oraha naa o Abaraama duru wodadiokau o kaya ma nyawa, abe to una ai domba, de ai kabingi, de ai unta, de ai hapi duru ma ngoe, de nagaoo ai gurasi de ai haaka.

Tobadotoko 2:9

Ho igoungu abe ngaro ka ngohiohi de ahi tiwioka nako de ona utu abe ma dodihirainohi yogogere o Yerusaleemoka, masara nagaoo ahi hininga ma sosawaro abe ka tomatumungohi la ihihihira-hira ahi wowangoka.

Tobadotoko 5:12

Ona abe yotobakarajaanga, ngaro manga inomo ilamoko eko ikuranga, masara o futu-futu de manga giooko irahai. Masara onagona dika abe de manga tiwi-tiwioka, to ona manga giooko ikuranga mangale ma titi manga kaya ma amoko gea.

Tobadotoko 6:9

Ufa hiadono ngone ka ihikaika nanga hininga yoigo la o kaya homahidogo. Masara koaho nanga hininga isanangi de ma kiahonanga o kia dika abe nagau nanga giamoka. Angamoi nako nanga hininga ma horoodo ka ihikaika itagi, gea tanu ko iwa ma titi, abe imakadaene hoka duru ka ma hoanino dika halegono.

Habaku 2:13

Abeika ngini nitotoihene Ma Jou Wokokurutiye ai behehongo ma demo naa. Una winihohowono ma titi o nyawa manga ngoe-ngoe gea abe niataokino de niaribuutu de niahuloko la ma titi to ona manga karajaanga ma dubuho de ngini niamake nia tau-tau. De manga karajaanga ma hasili gea parahaja dika, angamoi ti ngini nia tau ahao ikokirusakoka!

1 Yohanese 2:16

De gea ko iwidoraua angamoi o dunia ma hininga mata-mata duru imakalawana de to Ma Jou ai hininga. Abe nako o dunia ma hininga gea naga ma dumutu hange. Abe hoka moi o nyawa manga hininga ma hafini ma dorouika, de naga moioli abe o kia dika naga manga lako yamake de gea yoigo yomahitoona, de naa moiohi abe o dunia ma hininga hangeino, de gea o nyawa manga sade ma titi manga kiahonanga ato bari iwoe de manga wowango ma gogere hatoli ikurutiye ho hiadono genangino de yomasade. Ho o dunia ma hininga gea duru ko o Babakaua de aino iboa masara ena gea ihititi ka o duniaka dika. De gea ma titi hiadono o nyawa abe yodora o duniaika de gea ona ko iwidoraua o Babaika.