Tobadotoko 4:9 - Ma Jou ai Demo-demo o Totobelohoka

⁹ Irahai la inahinooto homakuduhunu ma oraha hokarajaanga. Angamoi nako homatengo dika, nanga karajaanga ma hasili ma hohutulu dika. Masara nako inahinooto homahikarajaanga moi, gea nanga hasili hatoli ma amoko hamake!

Tobadotoko 4:9 Iomraidhean Croise

Dodadi 2:18

Gea ibooto de ahao Ma Jou o Yawe womatemo wato, “Koaho o nauru naa ko womatengokaua, ho ngohi todiai ai dodiawo hoka unangoli la naga ai duduhunu.”

Sosawaro 27:17

Ngone ka idadi hapake o behi (ma dobiki) moi la o behi moioli hogihoro. De hokogenangoo o nyawa manga borihininga ma lako utuohi idoto nako yomakodotoko.

Tobadotoko 4:10

De iti nanga dodiawo naga, de ahao nako idadi abe horuba, naga nanga dodiawo ka idadi inaduhunu la homaokoinoli. Masara hiokoo nako homatengo dika de horuba angamoi ko moi-moiua inaduhunu!

Gegetongo 11:14

Ngohi naa ko tapoaua tao itiai ona mata-mataika nako ka tomatengo dika. Kohadubuhoholi abe ma tagongo gea Ngona nohihidoaka ngohino hiadono gea ko tapoakaua.

Maruku 6:7

De ma moiuku Una wahokino ona yangimoi de yahinooto iwitobanii-niiki. Wahokino la wahidingoto ona gea la yahohinooto yoiki. De wahidoaka ai kuaha onangika la ka idadi akokititoko o tokata ma dorou o nyawaino.

Yohanese 4:36

Abe ona yautuku gea manga karajaanga de ma utumoka angamoi manga hasili gea amake o wowango ka hiado-adonika. De ngaro ona yodatomo eko ona yautuku ma, manga garago imakadaene manga hasilino gea.

Hidingoto 13:2

De o wange moiuku de Ma Jou ai nyawa gea yomahuba-huba nanga Baluhika de o inomo yanoaikahi ho ko yolomua la manga hininga ma dumutu duru ka Ma Jouika dika. De gea yomahuba-huba manga gogiriaka de Ma Jou o Womaha wahuloko onangika wato, “Ngini kiani niatingakino Ngohino o Baranabasa de o Saulusu angamoi naga ma leleani moi abe Ngohi ahao tahitagongo onangika.”

2 Yohanese 1:8

De gea ngini kiani nimahidodiai la ufa to ona gea manga rerehene ma dodotoko nianiiki done ti ngini nia hadia, abe ma titi ma dihiraino nanga karajaanga nginioka, de gea ena done ahao ihihanga ho ko niamakeokauali. Masara nako nimahidodiai de ko nirehenua, gea ti ngini nia hadia Unangoka ahao niamake de gea niamake duru ingodu-ngodumoka.

Ruutu 2:12

De ngohi tonganono to ngomi o Isiraele ma nyawa mia Jouika, abe Una gea Ma Jou o Yawe, la Una ahao wonihibalaha de ma owa ngonaika. Tonigahoko Unangika la ani utumu Unangino de ani dora ngoni hunungika imakiniiki ma amoko. De gea tohioriki ngaro ngona naga ani hawana masara noboaino de nongaku abe ka idadi nomahitatoko to ngomi mia Jouika duru imaketero hoka o kuru-kuru ma ngofaka abe iwohama ma ayo ma gafuufu ma timiuku la imahitatoko genangoka. De hokogenangoo ngona noboaino la nomahitatoko to ngomi mia Jouika.” Hokogea o Boasa ai demo munangika.