Tobadotoko 4:10 - Ma Jou ai Demo-demo o Totobelohoka

¹⁰ De iti nanga dodiawo naga, de ahao nako idadi abe horuba, naga nanga dodiawo ka idadi inaduhunu la homaokoinoli. Masara hiokoo nako homatengo dika de horuba angamoi ko moi-moiua inaduhunu!

Tobadotoko 4:10 Iomraidhean Croise

Dodadi 4:8

De o Kaini ahao o Habelika wihigaro wato, “Dodoto, abeika hoiki doka ma honongaika.” Ho o Habele wiaoika ma hoanoka de genangoka de ka itodokanino wibaatika de ai dodoto witomaka.

2 Samuele 11:27

De gea ami gari ma wange muruono ipaha de ahao o Dautu ai duduhunu wahidingoto munangika la imingotaka to una ai tauika. De ahao o ngo Baseba gea womihidadi to unangoli ngoi fekata de muna ma oraha momagerewoto de ami ngofaka o nauru. Masara Ma Jou o Yawe duru ko wosanangiua abe de ena gea o Dautu wodiai.

Huhupu 32:21

De ahao o Musa wileha ai riakika wato, “Harunu, ka o kia ma titi ona iniribuutu hiadono ngona nahingounu? Abeika, ngona ka de nodiai hokogea de ona duru nahirehene ka hiadono yahowono ma amoko Ma Jouika!” Hokogea o Musa witaere o Harunika.

Tobadotoko 4:11

De nako inahinooto homaidu gea ka idadi homakuduhunu la ufa nanga badanga imaata. Masara nako homatengo dika homaidu, done sarakia ma hauku hamake?

Tobadotoko 4:9

Irahai la inahinooto homakuduhunu ma oraha hokarajaanga. Angamoi nako homatengo dika, nanga karajaanga ma hasili ma hohutulu dika. Masara nako inahinooto homahikarajaanga moi, gea nanga hasili hatoli ma amoko hamake!

Galatia 6:1

Ahi gogianongoru, nako hoka naga womatengo nginioka abe worubaka o howonuku, gea ngini abe niwinii-niiki Ma Jou o Womaha ai mau, ngini kiani niwiduhunu womatengo gea la una wolioli o totiai ma ngekomino. De gea niwiduhunu ma kiani de nia hininga ma bole-bole unangika, de kiani nimakokuduhunu abe ma titi nia hininga ma dubuho, done naga utu abe itubuhoholi manga hiningaka. De nako hokogea nimakokuduhunu, gea ngini nianiikoka o Kristusu ai behehongo nginika. Masara ma oraha niwiduhunu unangika gea de kiani nimahitiarioo de nimahidodiai done ahao nginioo inihiata-atara de niahowono abe imaketero hoka unangoli.

1 Tesalonika 4:18

Ho ngini naa kiani nanga Baluhu ai demoino gea niapake la nimahikokalaru done ngini nia hininga ihuhaholi ma titi nanga gogianongoru abe yohonengoka.

1 Tesalonika 5:11

Ho, mangale ma titi nanga nganganono gea ho ngini kiani ka ihikaika nigila-gila dika nimahikokagaro de nimahiketehipoputurungu nia ngongakuoka ma titi gea ahi demoino. De gea ngohi tohioriki naga idadioka nia hidogoronaka ma oraha naa.

1 Samuele 23:16

De ahao nagali o Saulu ai ngofaka o Yonatana una woiki la ka idadi witutumu o Dautu o Horesoka gea. De wiadono de o Yonatana wihigaro o Dautika de wihiputurungu ai ngongaku Ma Jouika.