Tobadotoko 3:6 - Ma Jou ai Demo-demo o Totobelohoka

⁶ Naga ma oraha itaana la hotobalingiri, de nagali ma oraha abe koaho homahiaini la ibootohi holingiri. De naga ma oraha itiai la o kiahonanga hagogono, de nagali ma oraha abe ma kiahonanga gea koaho haumo dika.

Tobadotoko 3:6 Iomraidhean Croise

2 Kokoano 5:26

Masara o Elisa witemo unangika wato, “Ou! Marai ngona naa ko nohiorikua masara kangano ngohi ahi womaha naga dokaika ma oraha o Naamana wouti ai gorobaka de wauku la nimakoketemo! Ho ngona nato bote irahai ma oraha naa de nadafongo o tiwi de o baju? Eko irahai nadafongo o hadia abe o saitunu ma gota-gota de o angguru ma redi de o domba de o hapi, de o duduhunu ma nyawa abe o nau-nauru de o ngo-ngofeka? Done sarakia ani hininga hokogea?

Tobadotoko 3:5

Naga ma oraha itaana la o hakaru haumoika, de nagali ma oraha la hohitoomuino o hakaru. De naga ma oraha abe irahai o nyawa hakooino, masara nagali ma oraha abe ko idadiuahi homakokooino.

Tobadotoko 3:7

Naga ma oraha itaana la nanga pakeanga hakakihi, de nagali ma oraha abe koaho homaguriti. De naga ma oraha itiai la homou dika, masara nagali ma oraha abe koaho nanga demo hohidemoiye.

Matiusu 19:29

“De nagali ti ngini nia hiowa hokonaa. Abe onagona dika manga tau yanoaka, eko manga roria-dodoto yanoaika, eko manga baba, manga meme, manga ngofa-ngofaka yanoaika, eko ngaro manga redi yanoaka la ato ona ihiniiki Ngohi, gea ona ahao yamake ma utumu Ma Jouino. Abe ma utumu gea o duniakahi naa de Ma Jou wodogo onangika hiadono to ona manga tau eko manga redi eko manga ngongakuoka manga gogianongoru, ma gea mata-mata naga kohangoe yamake la idadi manga utumu onangika. De ahao dokena nanga himangino abe ma oraha ahao iboa, ona ahao gea yamake o wowango ka hiado-adonika.”

Hidingoto 27:19

De ma dawangeinoli de ma rato ka nagahi ho ona o kapa ma gogoana yakokiumo ma kapa ma kiahonanga la ma kapa utuohi iuwini, abe ngaro ma kiahonanga gea duru yoperelu la ma kapa yao-ao, masara enangoo yaumoka dika de to ona ma hirete manga giama!

Hidingoto 27:38

De miolomo ibootino de ahao o kapa ma gogoana o hidingoto ma kiahonanga abe ma dola o gandum enangoo yaumo o gahiuku la ato ma kapa utuohi iuwini ho ko itiriiua.