Tobadotoko 3:5 - Ma Jou ai Demo-demo o Totobelohoka

⁵ Naga ma oraha itaana la o hakaru haumoika, de nagali ma oraha la hohitoomuino o hakaru. De naga ma oraha abe irahai o nyawa hakooino, masara nagali ma oraha abe ko idadiuahi homakokooino.

Tobadotoko 3:5 Iomraidhean Croise

2 Kokoano 3:25

Abe manga kapongo de manga kota yahiwedere, de manga tonaka mata-mataika yahirusaka ma titi o hakaru duru kohangoe ihibarihi aika aino, de manga jojobuubu yakokitokeme la ma akere ibootohi ihupuino, de to ona manga gota ma rorahai ona yakokitolanga. De ma bahauku ma hou o Moaba ma kota moiokahi abe ko yahibinaahauahi, de gea ma romanga o Kiriharesete. Ho o Isiraele ma tentara abe ona homoi-homoi naga de manga kawaioka, ona yahigilolitino ma kota gea. Yahigilolitinoka de ahao ona yomulaenge yaparangi ma kotaika gea, ho o kawai ma doto duru kohangoe ihoho de ahao yadiodaka o kota gea ma nyawauku.

Huhupu 19:15

De wahingahu onangika wato, “Kiani ngini mata-mata nimatingaka Ma Jouika la ma wange ma hangeoka ka idadi nimahuba Ma Jouika ho ngaro niilakoka ma ko tinihigunoauahi nimaidu de nia fekata.” Hokogea wahuloko ho ona yomahidiai.

Tobadotoko 3:4

Naga ma oraha itaana la hoari-ari dika, de nagali ma oraha la hogie-giete. De naga ma oraha abe kiani o nyawa hagari, masara nagali ma oraha abe irahai hoselo-selo.

Tobadotoko 3:6

Naga ma oraha itaana la hotobalingiri, de nagali ma oraha abe koaho homahiaini la ibootohi holingiri. De naga ma oraha itiai la o kiahonanga hagogono, de nagali ma oraha abe ma kiahonanga gea koaho haumo dika.

1 Korintusu 7:5

Ho nako o giabereki de yomatengo yoigo yomatoomu, gea ibootohi nioluku ngini o giabereki nimaidu. De masara nako ahao naga ma moi ma moi abe o giabereki duru yamao abe koaho duru yomaniata Ma Jouiye, de gea ma rokata de ngoi fekata mata-mata yomaketehiningamoi abe koaho duru yomaniata Unangika. Nako hokogea ona o giabereki yakokiputuhu, gea de ahao ka idadi yomatongohono abe hokokia ma dekana, masara kalioli itedekana yomatongohono, done o Ibilihi yahiata-atara de ona ko idadiokaua yomatongohono de hiadono yahowono. De abe ma oraha yomaniata ipaha de koaho ona yomatoomuoli hoka ma dihirali.

Yosua 10:27

De ipahaino abe ma oraha ma wange itumunu de o Yosua wahulokoli ai nyawa la ma koano manga honenge yahigutiuku ma gota-gotaka de yauku. Ho yahigutiuku de ahao yaumo o aruku ma goronaika abe ma dihiraino de ona yamotoa yomagogono genangoka. Yaumo ipaha de ahao yatoomuino o hakaru ma ago-agomo de ihitou-touniye o aruku ma bionoka la duru atatokoka de ma hakaru. De ma hakaru ma dounu gea nagahi ka hiadono ma oraha naa naga abe tohitulihuku ma ade-ade.