Tobadotoko 3:12 - Ma Jou ai Demo-demo o Totobelohoka

¹² Ho ngohi naa totemo tato koaho o nyawa yososanangi de yogogarago dika manga wowango ma dodagioka.

Tobadotoko 3:12 Iomraidhean Croise

Higiriiri 37:3

Kiani nimahinganono Ma Jou o Yaweika de nidiai ma rorahai, La gea niwango nisosanangi de nia gogere iriidi nia tonakoka,

Tobadotoko 2:24

Ho ngohi tato koaho o nyawa yodafongo dika Ma Jou ai hidailako de manga hininga ma sanangi. Abe ngaro yolo-olomo de ngaro yokere masara gea ka idadi yosanangi dika yodiai. De ngaro yotobakarajaanga masara koaho yososanangi dika manga karajaangika. Angamoi gea ma rorahai mata-mata abe Ma Jouoka de aino wonahidoaka.

Tobadotoko 2:3

De ahao duru tomafikiri de tomalingiri ma titi o kia hiadono o nyawa yosanangi yokere o angguru ma teongo ma gohaka. De tongano-nganono abe ma hofoko hokokia nako o nyawa yatobaniiki o sosanangi dika. De ma oraha tomafikiri gea de ko ma titiua ahi hininga ihihihanga, masara gea o hininga ma sosawaro abe ka ihikaika ihihidumutu ma totiaiika. La genangino ka idadi tohioriki ma ngekomo o kia koaho ngone o nyawa haniiki abe ma oraha ngone nagahi o dunia ma lokuokahi, ngaro ko ikurutua nanga wowango naangoka.

Lukasa 11:41

Ho koaho ti ngini nia hiningaino gea de o hu-huha ma nyawaika ngini niaduhunu. De nako hokogea nidiai, gea de ahao ngini duru nitebinoka abe nia poretino de nia goronakaoo!”

Hidingoto 20:35

De ngohi ka ihikaika ahi wowangoino de tinihimatoko nginika abe hokokia ka idadi o hu-huha ma nyawa haduhunu ma titi nanga karajaangino, la ngini ka idadi nimaaduru hoka ngohioli ahi karajaanga ma dubuho. De irahai ngini nimahihohininga abe ma titi nanga Baluhu idodutu o Yesusu ai demo. Abe Una ma dihiraino wato, ‘Nako o nyawa abe yahidoa-doaka de abe yodafo-dafongo, ka onagonahi de manga hininga duru isosanangi? De gea o nyawa yahidoa-doaka yososanangi, angamoi ona gea ahao manga hiowa ilamoko yamake Ma Jouino!’ Hokogea nanga Baluhu ai demo abe ngone kiani ka ihikaika hanii-niiki enangika!” De hokogea o Paulusu wohibobaha ai demo o Efesusu ma gareja ma hihiraika.

1 Timotiusu 6:18

Ona kiani ma rorahai yotobadiai la manga datoro ma rorahai gea duru iwoe onangoka abe imaketero ma ngoe abe hoka manga tiwioli naga iwoe onangoka. Kiani ona manga hiningaka yoigo yahidoaka o nyawaika, abe yosanangi manga tiwi de manga kiahonanga ihikodoku manga gogianongoruika.