Tobadotoko 2:7 - Ma Jou ai Demo-demo o Totobelohoka

⁷ De naga tomaijaino o huhuloko yamuruono naga o nau-nauru de o ngo-ngofeka, de nagali abe yomaboa ahi tauoka ho onangoo yodadi ahi huhuloko ma nyawa. De nagali ahi aewani kohangoe, abe ngaro ngohi de o nyawa utu mata-mata abe ma dodihirainohi de onangoo yogogere o Yerusaleeme ma kotaka, masara ka ngohiohi ahi duduono duru ma amoko de ma ngoe.

Tobadotoko 2:7 Iomraidhean Croise

Dodadi 13:2

De ma oraha naa o Abaraama duru wodadiokau o kaya ma nyawa, abe to una ai domba, de ai kabingi, de ai unta, de ai hapi duru ma ngoe, de nagaoo ai gurasi de ai haaka.

2 Kokoano 3:4

De ma oraha gea doka o Moaba ma tonakoka naga manga koano ai romanga o Mesa. De o Mesa una gea wososawaro wapaliara o domba la duru ifaa-faatuku. De manga koano gea de o Isiraele manga koano yomahiketehibehehongoka ho kiani o Mesa o tao-taongiye wahidingoto o domba ma ngofaka o dutu o sana o ratuhu moi o Isiraele ma tonakika. De nagali ma gogo ma amoko kiani una wahidoaka o Isiraelika, abe gea o domba ma nauru o dutu o sana o ratuhu moi kiani yaguti de ma gogo gea wahidingoto o Isiraele manga koanoika. Ho ma domba ma ngofaka de ma gogo ma amoko gea idadi hoka manga pajaka abe o Moaba ma nyawa kiani yotobafangu o Isiraelika.

Lukasa 12:45

“Masara naa tinileha moi. Nako hoka ma dutu wosoboka ai dodagioka de ahao ai duduhunu gea ai hininga ma dorou ipuda de womafikiri wato, ‘Marai ahi dutu ko ai dekanohi de ahao woboa, ho ka idadi taniiki to ngohi dika ahi mau naa ai tauoka.’ Nako ai hininga ma dorou hokogea, sarakia, ahao ma dutu widosanangi unangika eko koua? Abe nako ma duduhunu gea womulaenge wapoha-poha ai dodiawo abe onangoo yomahikarajaanga moi o tauoka gea, de watobaniiki o rame-rame, de hiadono ka iwitobadaluku, gea ahao done hokokia idadi?