Tobadotoko 2:11 - Ma Jou ai Demo-demo o Totobelohoka

¹¹ Masara ipahaino de ngohi tongano-nganono abe ma titi ahi wowango ma datoro gea todiaioka, de ahi karajaanga ma hasili mata-mata tamakeoka. De ahi hiningaka taetongo gea mata-mata tato ma bahauku de duru ko iwa ma titi genangino. Abe gea duru ka ma hoanino halegono, ho nanga sosanangi tanu ko inahiutumua ngone.

Tobadotoko 2:11 Iomraidhean Croise

Dodadi 1:31

De ai dulaada mata-mata Ma Jou wotulaadauku ibooto de wamake duru irahai de wosanangi enangika. De ahao naga o futu de ahao iboali o dawange de gea o wange ma butaanga ipahaika.

Huhupu 39:43

De ahao o Musa watailako manga karajaanga mata-mata gea de duru itaana yodiai itiai abe duru ona yomahidodiai yokarajaanga yaniiki Ma Jou ai behehongo abe wihingahu o Musaika. Ho ka de watailako ibooto de o Musa duru wosanangi hiadono wahikokiowa onangika abe yokokarajaanga.

Tobadotoko 3:9

De naa ngohi tonaleha, “Done ma utumu o kia o nyawa yamake manga karajaangino?”

Tobadotoko 5:10

Onagona dika abe duru yodora o tiwi, ona gea manga hiningaka de ka ihikaika yamao manga tiwi ko yawedonuahi. De onagona dika abe duru ihitihira manga kaya, ona gea duru ko ma iwa abe yamao manga dadaoko ka yaowa. Ho ngohi tato marai enangoo ko iwa ma titi nako ka hohafi-hafini o tiwika.

Tobadotoko 5:16

De hiokoo abe to ngone nanga baha ko imakohowonua de nanga boa, ka imakadaene dika ma homoa mata-mata. Ho done nanga utumu o kia homamake nanga karajaangino? Marai ko iwa!

Habaku 2:13

Abeika ngini nitotoihene Ma Jou Wokokurutiye ai behehongo ma demo naa. Una winihohowono ma titi o nyawa manga ngoe-ngoe gea abe niataokino de niaribuutu de niahuloko la ma titi to ona manga karajaanga ma dubuho de ngini niamake nia tau-tau. De manga karajaanga ma hasili gea parahaja dika, angamoi ti ngini nia tau ahao ikokirusakoka!

1 Timotiusu 6:6

De masara gea igoungu nanga utumu kohaamoko ngone homamake nanga wowangoka nako hileleani Ma Jouika, iti nanga hiningaka hamao abe Ma Jou ai hidailako ngoneino gea inawedono. Masara nako hamao hato ko inawedonua ai hidoaka ngoneino de hiadono utuoli nanga utumu homalingiri, gea nanga utumu ma gou-goungu hangofuoka.