Tobadotoko 2:10 - Ma Jou ai Demo-demo o Totobelohoka

¹⁰ De o kia dika tamake abe ahi hininga adaene enangika, gea tomahitongohioka dika, abe duru ko tomatumungua o kia dika abe ka idadi ihihisanangi. De igoungu abe ahi wowango ma datoro mata-mata ihihofoko o sosanangi ahi hiningaka.

Tobadotoko 2:10 Iomraidhean Croise

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

Dodadi 6:2

De naga o nau-nauru abe yahiromanga Ma Jou ai ngofa-ngofaka, de ona yamake o nyawa utu manga ngofa-ngofaka o ngo-ngofeka abe duru yorahai de duru manga hafini itagi o ngo-ngofekaika gea. Ho manga fekata yomangiriki ko ma titiua manga wowangoino masara manga hailoaino dika hiadono yomangiriki manga fekata.

Tobadotoko 2:1

De ngohi tomatemo ahi hiningaka tato, “Abeika, ngohi naa tohitaili o sosanangi taniikohi la gea tatailako enangika de ka idadi tohioriki to ena ma hofoko ma rorahai eko koua.” Masara tomahisosanangi ipaha de tamake abe enangoo ko kia-kiaua ma titi.

Tobadotoko 2:22

De abeika homafikirohi, done o kia nanga utumu abe nanga karajaangino de nanga hininga ma huhaino ma oraha ngone hokarajaanga o dunia ma lokuokahi naa?

Tobadotoko 2:24

Ho ngohi tato koaho o nyawa yodafongo dika Ma Jou ai hidailako de manga hininga ma sanangi. Abe ngaro yolo-olomo de ngaro yokere masara gea ka idadi yosanangi dika yodiai. De ngaro yotobakarajaanga masara koaho yososanangi dika manga karajaangika. Angamoi gea ma rorahai mata-mata abe Ma Jouoka de aino wonahidoaka.

Tobadotoko 5:10

Onagona dika abe duru yodora o tiwi, ona gea manga hiningaka de ka ihikaika yamao manga tiwi ko yawedonuahi. De onagona dika abe duru ihitihira manga kaya, ona gea duru ko ma iwa abe yamao manga dadaoko ka yaowa. Ho ngohi tato marai enangoo ko iwa ma titi nako ka hohafi-hafini o tiwika.

Tobadotoko 5:17

Angamoi o wange-wangeiye duru hongorumiha de hokarajaanga ka hiadono ihohomuku, ho ka ihikaika holomo o fufutuoka dika! De nagali nanga kokangela inaohana de nanga gogama inadaene de nanga hininga ma huha ka ihikaika hamao, ho nanga utumu duru ko iwa!

Tobadotoko 5:18

De igoungu abe ngone o nyawa nanga wowango ko ikurutua o dunia ma lokuoka. Ho ngohi tato koaho hodafongo dika ma rorahai abe Ma Jou wonahidoakino ngoneino. Abe irahai la holomo de hokere de hotobakarajaanga, angamoi gea mata-mata Una wonahidailako la nanga hininga ma sanangi ihititi genangino.

Tobadotoko 6:9

Ufa hiadono ngone ka ihikaika nanga hininga yoigo la o kaya homahidogo. Masara koaho nanga hininga isanangi de ma kiahonanga o kia dika abe nagau nanga giamoka. Angamoi nako nanga hininga ma horoodo ka ihikaika itagi, gea tanu ko iwa ma titi, abe imakadaene hoka duru ka ma hoanino dika halegono.

1 Yohanese 2:16

De gea ko iwidoraua angamoi o dunia ma hininga mata-mata duru imakalawana de to Ma Jou ai hininga. Abe nako o dunia ma hininga gea naga ma dumutu hange. Abe hoka moi o nyawa manga hininga ma hafini ma dorouika, de naga moioli abe o kia dika naga manga lako yamake de gea yoigo yomahitoona, de naa moiohi abe o dunia ma hininga hangeino, de gea o nyawa manga sade ma titi manga kiahonanga ato bari iwoe de manga wowango ma gogere hatoli ikurutiye ho hiadono genangino de yomasade. Ho o dunia ma hininga gea duru ko o Babakaua de aino iboa masara ena gea ihititi ka o duniaka dika. De gea ma titi hiadono o nyawa abe yodora o duniaika de gea ona ko iwidoraua o Babaika.

Hihira 14:2

De o Simsono wolio ai baba de ngoi memeika de wahingahu onangika wato, “Ngohi o Timana ma kotaika totulu de tomimake momatengo o Filistina ma ngofeka abe muna ahi hininga adaene munangika ho togahoko la baba de meme ngini niloiki nihiaturu ahi gogilaka la muna modadi ngohi fekata.” Hokogea womagahoko ai dimonika la muna gea modadi ngoi fekata.