Nehemia 4:9 - Ma Jou ai Demo-demo o Totobelohoka

⁹ Masara ngomi mimagahoko mia Jouiye de ngomi utu mikarajaanga de utu ona yodadi mia gogoana o wange-wangeiye de ngaro o futu-futuiye la ka ihikaika mimahidiai mimaduhunu.

Nehemia 4:9 Iomraidhean Croise

Dodadi 32:28

Ho gea wihingahu wato, “De naa tonihingahu ngona ani romanga ko o Yakubokaua masara naa tonihiromangoli o Isiraele ma titi nimaketeribuutu de Ma Jou angamoi ngona duru noputurungu hiadono ngaro de Ma Jou ma, nimaketeribuutu. De ngaro nimaketeribuutu de o nyawa, ma, mata-mataika ka ngonahi nolaku.”

Nehemia 4:10

De ahao o Yehuda ma nyawa yomulaenge yokurubungu ato ona mata-mataika yomulaengoka yamao yabole. De ona ato, “Abeika o kota yodokilianguku ho ma wale itou-touniye kohangoe hiadono ngomi ko miapoaua ma wale miaumo nako ka ngomi dika mikarajaanga.”

Nehemia 4:11

De ma oraha o Yehuda ma nyawa yotemo hokogea de mia musu onangoo yomakoketemo, ato, “Nako ngone homahidodiai hangika ona marai ahao ko inamaoua ho ka idadi ngone hatoma de manga karajaanga naa duru ahao itogumoka.”

Higiriiri 33:10

De abe ona ko iwingaku-ngakua, Una o Yawe duru wahikapusaka to ona manga hidee, abe ngaro hokokia manga hininga masara Una ka wakunu wodiai la ko idadiuali.

Matiusu 26:41

De ahao o Yesusu wahibehehongoli onangika wato, “Ngini kiani niwangoroka de nimaniata Ma Jouiye la ufa ma dorou inihiatara de inihikala nginika. Igoungu, nia hininga ka yomodeke masara nia badanga ko apoaua!”

Lukasa 21:36

Ho ngini koaho ka ihikaika niwangoro, de nimagahoko Unangika la ma oraha idadi de ufa ma hohowono gea mata-mata tofetongoka inidaene nginika. De nimagahokoo la ma oraha Ngohi o Nyawa ma Ngofaka toboali de ka idadi tinidafongo ma titi nia hingounu Ngohino. De mangale ma titi tinidafongo ho ngaro ufa dika de nihawana ahi himangoka.” De hokogea o Yesusu ai hitararono ma demo onangika abe ma titi ma dodunguu ahao hokokia idadi.

1 Peturusu 5:8

De nagali ahi huhuloko abe kiani nihidodiai nimatongohono o dorouino de nimagoana. Angamoi ti ngini nia musu o Ibilihi ma haeke, ena gea itobatagi-tagi aika aino de yalingiri o nyawa la ato yahirehene ona Ma Jouoka de aino. De gea yahirehene la ahao ona yoruba o howonuku. De gea tohiketero tato ena hoka o fuhuku ma boki ma romanga o singa, abe ena gea itobalingiri o aewani la imadoma de to ena ma roehe akakihi de yaolomo. Ho ngini kiani nimagoana done ena gea inihiruba de ihirusaka ti ngini nia ngongakuino.