Nehemia 4:15 - Ma Jou ai Demo-demo o Totobelohoka

¹⁵ De ngaro hokogea mia musu manga hidee itorou masara Ma Jou wohiaturu la manga hidee gea mihiorikoka ho manga hidee gea ko idadiua ihigila-gila. Ho ngomi miogilio o kota ma dadaduhika abe genangoka to ngomi homoi-homoiika naga mia karajaanga angamoi manga hidee Ma Jou wahikapusaka ho ko idadiuali.

Nehemia 4:15 Iomraidhean Croise

Nehemia 4:16

De o wange gea de imahikaika ahi nyawa taregu la ma oraha o regu moi yokarajaanga de o regu moioli yao manga dae o kuama, de manga toimi, de o dadatoko ma baju de o parangi ma dadatoko. Ho o regu gea yomaokoino manga pore-poretoka la yagoana ona abe o dadaduhu yokarajaanga.

Maruku 13:34

“De gea imaketero hoka o tau ma dutu womatengo abe wato woikohi ma gurutika. Ma oraha itigioka wosobo de ai huhuloko wahitagongo hokonaa de hokonaa ma karajaanga, de una ma ngorana wotobagoa-goana, unangika wihuloko wato, ‘Nohidodiai noogoana.’”

Roma 12:11

De ufa niodebeturu nia tagongika masara ngini kiani duru niodomagawe enangika la gea niwileleani nanga Baluhika de nia hininga ma gahumu, abe nia magawe gea inihidafae nia hiningaka abe imaketero hoka o uku ma dokaroli ihiru-hiruiye.

1 Tesalonika 4:11

De naa moioli ngomi minihigaro nginika la ngini duru de nia magaweoka nihitaili niwango niriidi, abe gea borotaua de ngini nimahikasapuru de niahiaturu o nyawa utu manga wowangoika la hiadono niahikangela onangika, masara gea koaho ka ti ngini ma hirete dika nia wowango nimahikaaturu. De naa moioli minihigaro, kiani ngini homoi-homoi niborikarajaanga de ufa niodebeturu nia karajaangika, ngaro nia redioka eko ngaro nia tau ma goronaka, ma ufa niodebeturu nia karajaangika gea. De mia higaro ma demo gea ka imakadaene dika abe hoka nengokadau minidotokoka nginika.