Nehemia 4:14 - Ma Jou ai Demo-demo o Totobelohoka14 De ahao mata-mataika tatailako ibooto de ahao nanga hihira de ona abe yokokurutiye manga doomuoka tahokino. De yomatoomuino ahi himangoka de ngohi ka tahiree-reeika dika onangika tato, “Ngini ibooto niamodongo nanga musuika gea! Kiani ngini nimahinganono to ngone nanga Baluhu wokokurutiye abe Una naga! De Una wonahiheranga angamoi Una wopoputurungu! Ufa gea niawohanga de kiani niaparangi nanga musuika la niaduhunu nia gogianongoru! De kiani niadatokoo nia ngofa-ngofaka o nauru de o ngofeka, de nia feka-fekata de ona mata-mata nia tau homoi-homoiika!” Hokogea tahigaro ona mata-mataika. Faic an caibideil |
Nehemia 4:14
34 Iomraidhean Croise
De hokonaa tomaniata, tato, “Ma Jou o Yawe, Ngona Ma Jou abe nogogere o Horogaka, Ngona Ma Jou abe duru nopoputurungu de ngomi o nyawa miheranga enangika abe Ngona nodiai. Ngona Ma Jou abe ani dora ma behehongo duru ko nanoaikaua onangika abe inidora Ngonaika de inihingounu abe ani behehongo yaniiki.
Ho wodiai la manga goroba wohihodoa hiadono ma bola iloliti ibole-boleoka hiadono utu ma kuda ko akunokaua manga goroba yatauru ho hiadono yokangela yogila-gila yakiniiki. De manga kangela ma goronaka de o Mesiiri ma nyawa duru yohawana ato, “Ei, kiani hoara dika! Naa Ma Jou o Yawe wonaparangi ngoneino de o Isiraele ma nyawa waduhunu ho kiani ngone hoara.” Hokogea manga hawana ma demo abe Ma Jou wahikapusakoka.
Ho ufa ngone naa hilawana Ma Jou o Yaweika! De ngaro o nyawa gea ko manga lago-agomo de ko manga bobuturungu ma tonakoka gea, masara Ma Jou o Yawe ka ihikaika naga ngoneoka ho ufa ngone hamodongo onangika. Abe ona gea ahao yatomomonoka de ko yakunua yomaduhunu abe ma oraha hangohama manga tonakika. De Ma Jou wonaduhunu ka hiadono manga dadatoko imaketero hoka ko iwaka ho ufa ngone hamodongo onangika!” Hokogea o Yosua de o Kalebe manga domoroini ma demo.
De to Una ai demo o Yesusu wohigila-gilahi wato, “De naa tohigalioli ahi demo abe tato ufa niamodongo o nyawaika. Angamoi ngaro o nyawa inihikangela nginika de inihidee la ato initoma, ma gea ti ngini nia badanga dika abe ka idadi yatoma. De nako ti ngini nia jiwa, gea o nyawa ko yakunua yahohonenge enangika, masara abe nako Ma Jou, Una dika ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”
“Ho naa ahi demo ngonaika tohigalioli tonihuloko, tato ‘Ngona, Yosua kiani nomaputuhu abe ngona de ani buturungoka de ani domoroinoka!’ Ho ngaro o kiaika dika nohimanga ma, ufa de o hawana inihifafara de ufa ani hininga ihuha angamoi Ngohi, Ma Jou o Yawe, to ngona ani Jou, naga toniniiki ka ihikaika ho ngaro o kiaika dika ngona ahao noiki ma Ngohi toniduhunu.” Hokogea Ma Jou o Yawe ai behehongo ma demo la wihiputurungu o Yosuaika.
Sanasan