Nehemia 4:10 - Ma Jou ai Demo-demo o Totobelohoka

¹⁰ De ahao o Yehuda ma nyawa yomulaenge yokurubungu ato ona mata-mataika yomulaengoka yamao yabole. De ona ato, “Abeika o kota yodokilianguku ho ma wale itou-touniye kohangoe hiadono ngomi ko miapoaua ma wale miaumo nako ka ngomi dika mikarajaanga.”

Nehemia 4:10 Iomraidhean Croise

2 Tawari 2:18

De ona o nau-nauru yasana moritumidi abe wahikarajaanga ma kiahonanga ma dodubuho yotobatoraka. De ona yasana moritufange abe wahikarajaanga o loku-lokuoka abe genangoka o hakaru yopawa ihidiai ma popahagi. De naga yasana hange de yaratuhu butaanga wahidadi o hidimono abe yahiaturu ona mata-mataika abe yotobakarajaanga.

Nehemia 4:11

De ma oraha o Yehuda ma nyawa yotemo hokogea de mia musu onangoo yomakoketemo, ato, “Nako ngone homahidodiai hangika ona marai ahao ko inamaoua ho ka idadi ngone hatoma de manga karajaanga naa duru ahao itogumoka.”

Nehemia 4:2

De gea o Sabalata woboa de wao ai gogianongoru de nagaoo o Samaria ma nyawa manga tentara yamuruono naga. Ho o Sabalata gea womahitigi ngomino la ngomi mata-mata ka idadi ai demo mikokiihene, de woboaka wato, “Abeika o Yahudi ma nyawa naa abe duru ko iwa manga buturungu, ho o kia ka idadi yodiai? Ho done sarakia ona yadiaiokali abe duru irusakoka? Duru ko kia-kiaua idadi! Ho ona parahaja dika yomagao manga huhuba naangino! Ona ato yomataiti yodiaioli masara ona duru yobodo. De done sarakia ona yafikiri o kota ma dadaduhu yafafoiyeoli de o hakaru abe idadi o waleokahi dika? Abe o hakaru gea yatufukoka ho done ahao sarakia yapakeoli?” Hokogea o Sabalata de ai ngamo womihohedu abe mia karajaanga ma goronaka.

Nehemia 4:9

Masara ngomi mimagahoko mia Jouiye de ngomi utu mikarajaanga de utu ona yodadi mia gogoana o wange-wangeiye de ngaro o futu-futuiye la ka ihikaika mimahidiai mimaduhunu.

Gegetongo 13:31

Masara ai doo-dodiawo abe yomakiniiki o Kanani ma tonaka yatotailako gea, ona yangimoi duru manga hininga imakohowono ho yopaluhu de manga boaka ato, “Ngone duru ko hapoaua hangika haparangi o nyawa gea! Nako ona de ngone ka onangohi duru de manga buturungoka ho!”

Gegetongo 32:9

De ahao ona yoiki o Esekolo ma dolaika de yamake ma tonaka gea masara yolioino de yahihawana o Isiraele ma nyawa abe ona yahingahu ato, ‘Koaho ufa howohama ma tonaka gea abe Ma Jou o Yawe wato wonahidoaka ngoneino.’