Nehemia 1:9 - Ma Jou ai Demo-demo o Totobelohoka

⁹ Masara ngaro hokogea Ngohi tinihikabarihoka masara ngini nako nilio Ngohi nia Jouino de nianiikoli ahi behehongo de ahao ma oraha gea tinidafongoli. Abe ngaro nia nyawa abe tahihupu nia tonakino hiadono manga gogere naga o tonaka abe imakitingaka de to ona manga tonaka duru kohagurutika, masara ka idadi ahao tahigilioli. De angamoi manga tonaka gea ena abe Ngohi tairikoka la idadi ahi gogere ma ngi. De ahi mau la ahi gogere ma ngioka gea o nyawa ahi romanga yagorakiye de manga horomatioka.’”

Nehemia 1:9 Iomraidhean Croise

1 Kokoano 9:3

Ho Una witemo ma koanoika wato, “Ngohi naa togihenoka ani gogahoko ma demo abe ma dihiraino nomagahoko ahi duduhunu. Abe Ngohi tomadingakoka ahi Tau gea abe nohigoko ibooto la idadi to Ngohi ahi Tau de tomanoa genangoka ma oraha naa de ka hiado-adonika. De to Ngohi ahi Womaha ka ihikaika naga ma Tauoka gea.

Higiriiri 106:47

Ho naa Ngonaiye, Ma Jou o Yawe, ngohi tomigahoko ngomi ani nyawa! Ngona to ngomi mia Jou de duru tomigahoko la nomihihupu mia boditoino! Togahoko la Ngona nomihitoomuino o nyawa utu manga tona-tonakino, De nomihigilio mia tonakika la ka idadi mitarimakase Ngonaiye, Mia tarimakase ma demo mihiboa to Ngona ani romanga ma debi-debiniye, De mia gogarago de mia higiriiri mihiboa Ngona mia Jouiye. Hokogea ahi gogahoko Ngonaiye, to ngomi mia Jou.

Higiriiri 107:3

De Ma Jou winihitoomu o nyawa manga tona-tonakino abe winiaoino, Ngaro nia gogere o tonaka ma gurutika o wange ma hiwariha, De ngaro nia gogere o tonaka o wange ma dumuniha, De ngaro nia gogere o tonaka dau ma honongauku, De ngaro nia gogere daku o tonaka ma honongaiye, Masara ma oraha naa Ma Jou winihikokihigilioka nia tonakino naa.

Yesaya 11:12

De ma oraha gea una wohidutuboiye ai dodunguu la o dunia ma nyawa mata-mata ka idadi yamake. De genangoka watoomuinoli o Isiraele ma nyawa abe ma dihiraino de yaduhuika manga tonakoka de aika ma homoaika. De hokogenangoo o Yehuda ma nyawa abe yahikabarihoka o dunia ma amokika watoomuinoli unangino.

Yesaya 56:8

De Ngohi ka idadi tadafongo o homoa ma nyawa angamoi naga ahi behehongo ma demo moi tomahibehehongoka tato, ‘Nagahi o nyawa utu ahao tatoomuino de tahidogo onangika abe tatoomuinoka.’ Angamoi ihira-hira kiani tatoomuinoli o Isiraele ma nyawa abe yakokabarihika o tonaka utuika, de gea ipahaino de nagahi o nyawa utu tato tatoomuino Ngohino. De hokogea Ngohi naa o Yawe duru Tokokurutiye tomahingahu ahi hininga ma hidee.”

Yeremia 3:14

Ho ngini abe tinihiromanga ahi ngofa-ngofaka nikokirehenoka ma homoaika, ma oraha naa de tiniahoko la nikokilio Ngohino. Angamoi Ngohi naa ti ngini nia Baluhu idodutu.’” Hokogea Ma Jou o Yawe ai demo o Isiraele ai nyawaika.

Yeremia 31:10

De naa o dunia ma nyawa ma dutu mata-mata kiani yotoihene Ma Jou o Yawe ai demoino, ho ai demo gea kiani yahingahu-ngahu o tona-tonakoka abe duru kohagurutika de abe o gahi ma date-datekoka. De hokonaa to Una ai demo, wato, “Una abe ma dihira de wahikabarihoka ai nyawa o Isiraele ma nyawa o tonaka utuika, Una gea ahao watoomuinokali ai nyawa gea Unangino. De ahao Una wagoana irahai abe imaketero hoka o domba ma gogoana ai duduono wopaliara.”

Matiusu 24:31

De gea ipaha de ma guguli moi yowuwu duru kohaamokiye. De gea ahi momalaekata tahidingoto o dunia ma amokika la to Ngohi ahi nyawa dika abe duru tasanangi onangika, ona mata-mata ka idadi ahi momalaekata yatoomuino de yakokiaoino Ngohino.”

Higalioli 30:1

De o Musa ka wotemohi onangika wato, “De ahao naga ma oraha nanga himangoka abe ngini niamakeoka Ma Jou ai hiowa de ai hohowono mata-mata abe kangano tinihingahuokau. De ma oraha gea ngini nimanoa o homoa ma nyawa manga tona-tonakoka angamoi ti ngini nia Jou o Yawe winihikabarihika genangika. Ho gea koaho ngini nimahihohininga ma titi ahi hitiari ma demo nginika o wange naa.