Matiusu 8:3 - Ma Jou ai Demo-demo o Totobelohoka

³ De o Yesusu wisoika unangika de witemo wato, “Ngohi ka idadi tomodeke toniduhunu, ho naa ngona notogumoka!” De ka de wotemoka de ka itodokanino to una ai pado iaikoka ho wotogumoka.

Matiusu 8:3 Iomraidhean Croise

Dodadi 1:3

De Ma Jou womatemo wato, “Ngohi toigo la o dawange naga.” Ka de wotemo hokogea de idadioka o dawange.

2 Kokoano 5:11

Masara o Elisa ai behehongo gea o Naamana woihene de duru wongamo de duru womakode wolio ai poretoko de wato, “De ngohi tato bote Ma Jou ai uru ma dodofanga gea ahao wohupu wohitutumu! De iti una de ai giama wohikelu-kelu la daku ahi pado ma nabo-nabo ma lokuino de womagahoko de Ma Jou o Yawe ai romanga la to una ai Jou gea wohihitogumu!

2 Kokoano 5:14

Hokogea ona iwihigaro de ahao o Naamana ai hininga waturuuru ho woiki o Yorodani ma akerika de wouti de wotumunu ma akeruku ma tumidi abe hoka Ma Jou ai uru ma dodofanga wihingahu kiani wodiai. De ka de wotumunu ma tumidi de wopudali de ai roehe duru irahaioka abe imaketero hoka o ngofaka ma etetekoli manga roehe ma rahai angamoi ai pado duru iaikoka.

Higiriiri 33:9

Angamoi Una gea ka wotemo dika de idadioka, ma titi ai huhuloko ma demo dika de ka itodokanino naga abe hoka wahulo-hulokoka.

Huhupu 4:7

De Ma Jou wihulokoli wato, “Ho naa nohingohamoli ani giama gea.” De o Musa wihingounoli ho wohingohamoli masara ka de ai giama wohihupuoli de abeika, ai pado ko iwaka ho ka ihira-hirali ai giama.

Matiusu 12:13

De wapaluhu ibooto de ahao witemo ai giama ihelu-helukika wato, “Abeika nagorakiye ani giama.” De ai giama wagorakiye de itogumoka ho idadi imakadaene abe hoka ai giama ma honongali.

Maruku 1:41

De o Yesusu duru widora una gea ho wisoika de witemo unangika wato, “Ngohi tomodeke, ho naa notogumoka!”

Maruku 4:39

Ho o Yesusu ka womomiki de wataere o hidalokika de wotemo ma ngootika gea abe wato, “Nomatogumoka de noriidoka!” De o hidaloko imatogumoka de ma ngooto gea duru iriidoka.

Maruku 5:41

Yowohamika de o Yesusu womiso ami giamika de wotemo munangika de to Una ai demo wato, “Talita kum!” abe naga de ma titi hokonaa, “Ngofeka, ngona naa nomomikoka!”

Maruku 7:34

Wihialeme ai kibiri de ahao o Yesusu womamatagaiye o Horogaiye de wowomaha waamo-amokiye de wotemo wato, “Naa totemo ani ngaukika ho ko initopongonokaua.” Abe gea wotemo de to Yahudi manga demo ho wato, “Efaata!”

Maruku 9:25

De o Yesusu womalegaika de wamake naga manga ngoe yomulaenge yomapopaatino ma ngofakino. Ho ma tokatika wataeroka o Yesusu wato, “Ngona o tokata ma dorou abe o nyawa nahidiai la yodadioka yomou de yatopongono, ngona naa tonihuloko la naa naga nohupuoka unangino de ibootohi nowohamika ai badanga ma goronaika ka hiado-adonika.”

Lukasa 4:27

“De hokogenangoo abe ma dihira ma oraha o Elisa wileleani Ma Jouika, abe unangikaoo ikuranga iwihoromati o Isiraele ma nyawa. De ma oraha gea de naga manga ngoe o Isiraele ma nyawa yapado-pado, masara o Elisa ko wahitogumua onangika gea. Ma nako o Siria ma nyawa ai romanga o Naamana abe iwipado, unangika dika o Elisa wihitogumu ai panyakeino.” Hokogea o Yesusu ai demo onangika.

Lukasa 5:13

De o Yesusu wisoika unangika de witemo wato, “Ngohi tomodeke, ho naa notogumoka!” De ka de wotemoka de ka itodokanino to una ai pado iaikoka ho wotogumoka.

Lukasa 7:14

De ahao Una wogila-gila de wasoika manga momokuika abe ma honenge naga yakelenga to ena ma lokuoka. De ona abe yomaketeligoraka ma honenge ma momoku gea yomatogumoka ho ko yoagurokaua. De o Yesusu witemo wohone-honengika wato, “Goduuru, ngonaika tonihuloko la nomomikiye!”

Yohanese 11:43

Ho ka de ai gogahoko gea ipaha de o Yesusu duru waamo-amokiye wiahoko, wato, “Lasarusu nohupuino!”

Yohanese 15:24

De gea ihidohata ngaro ahi buturungu Ngohi tomahitunguuoka manga himangoka de o heheranga ma ngoe abe ko ma moiuahi o nyawa utu yodiai. Nako hokogenangua tomahitunguu de gea naga ma titi abe ka idadi yomademo la manga hohowono yakuranga. Ma angamoi yamakeoka o heheranga abe ihihitaana Ngohi naa, de ona ka ihidohatohi de ahi Babaoo iwidohata, ho manga hohowono ko idadiua yakuranga.

Yohanese 5:21

Abeika, o nyawa yohonengoka Ma Jou o Baba ka idadi wahimomiki, abe manga honengino wahiwangoli. De duru imaketero hokogea Ngohioo naa ai Ngofaka ka idadi onagonaika dika toigo tahidoaka o wowango de ka idadi tahidoaka.