Matiusu 8:2 - Ma Jou ai Demo-demo o Totobelohoka

² De abe wouti ai gogiriaka de ka itodokanino womatengo iwipado woboa o Yesusino de watilabukuku ai himangoka la wihoromati Unangika. De iwipado gea womagahoko wato, “Ahi Baluhu, nako Ngona nomodeke, ngohi tohioriki Ngona ka idadi nohiduhunu la hiadono ka idadi totogumu.”

Matiusu 8:2 Iomraidhean Croise

2 Samuele 3:39

De marai ngohi naa todadioka ti ngini nia koano angamoi Ma Jou wohigorakoka. De ngaro ngohi nia koano ahi kuaha hatoli ilamoko masara done ko iwedonua angamoi ko takunua tahipareta o ngo Seruya ami ngofaka o nauru yahinooto gea. Abe o Yoaba de o Abisai onangoo manga kuaha ilamoko. Ho ngohi tato marai kiani Ma Jou o Yawe dika abe wahibalaha ona yahinootoika ma titi manga datoro ma dorou!” Hokogea o Dautu ai demo ai tentara ma hohidimonika.

2 Kokoano 5:1

Ma oraha Ma Jou o Yawe wapake o Arama ma nyawa la wahohowono o Isiraele ma nyawa de wipake womatengo ai romanga o Naamana abe una o Arama ma nyawa manga tentara wahihira. Ho o Naamana duru wihisanangi o Arama ma nyawa manga koano angamoi ka ihikaika wolaku ma oraha waparangi o Isiraele ma nyawaika. Masara ai lolaku gea ihititi Ma Jou o Yaweino. De abe o Naamana una duru wososawaro woparangi masara una duru wokangela de o panyake o pado.

2 Kokoano 5:27

Ho mangale ma titi ani datoro gea abe nomagahoko o kiahonanga o Naamanino ho ngona kiani namake ani datoro ma hofoko hokonaa. Abe ngona de ani totoforauku mata-mataika ahao inikokidaene o Naamana gea ai panyake o pado ka hiado-adonika.” De gea igoungu ma oraha gea dika de idadi o Gehasi ai badangika. Abe ma oraha o Elisa ai himangoka de wosobo de o Gehasi ai badanga mata-mataika atamunoka de o pado ho hiadono ai kai duru iarehoka.

Gegetongo 12:10

Ho ka de o lobi ma lou gea imagoraka Ma Jou ai Tau o Ngoerino de itodokanino de o ngo Miriama ami kai duru iare-arehoka imakadaene hoka o gotoaka ma gogo ma magarehe angamoi o panyake o pado imidaenoka. Ho ka de ami iranga o Harunu womaleloro munangika de duru wohuha womimake ami rupa angamoi imipado duru itorou.

Matiusu 10:8

“De ngini nia dodagi ma goronaka de niatobaduhunu o nyawaika, abe ka idadi niahitogumu manga popanyakeino, de abe yohone-honengoka ka idadi niahimomiki manga honengino, de nako yapado-pado gea ka idadi niahitogumu manga padoino, de abe yakokitokata ona gea ka idadi manga tokata nihititoko onangoka. De naa ka tinihidoaka dika ahi kuahaino la ngini niaduhunu o nyawaika, ho abe ma oraha ahi kuaha niapake de ngini ko idadiua o nyawa yofangu nginika, la nia duduhunu onangika gea o hidoakino dika.”

Matiusu 13:58

Ho o Yesusu ai kapongoka gea de hatoli ko iwa manga ngongaku Unangika, ho ko wodiaiua o heheranga genangoka, bowahu naga o nyawa yamuruono naga dika abe o heheranga wodiai la waduhunu onangika.

Matiusu 14:33

De ona iwinii-niiki o ngotiroka gea yomakokihuba Unangika de ato, “Ngona naa duru igou-goungu Ma Jou ai Ngofaka!”

Matiusu 15:25

Masara muna gea ko mosoboua ho ka ino dika momahitigi o Yesusu ai himangino de matilabukuku genangoka. De gea ka momagahokohi o duduhunu mato, “Ahi Baluhu, duru tomagahoko la Ngona nohiduhunu ngohi!”

Matiusu 18:26

“Masara ma duduhunu gea ka de woihene ma koano ai huhuloko ma demo de womamotumuku ma koano ai himangoka de duru womagaho-gahoko wato, ‘Ahi koano, ngohi duru tomagahoko la nohihiainohi de tonihibehehongo ngonaika abe ahi nagimi ahao takokitamunu.’

Matiusu 2:11

Ho ona yoboa o tauino abe genangoka o Yusupu de o ngo Maria yogogere de ka yogila-gila yowohama o tau ma goronaika gea. De o tau ma goronaka iwimake o ngofaka gea de to Una ngoi meme o ngo Maria. Ka de iwimake o Yesusu de yatilabukuku ai himangoka hiadono manga pea itikiuku la yomahuba Unangika. De naga onangoka to ona manga hidoaka abe duru ihali, ho manga hidoaka ma hohailoa gea ihihupu ma ngi-ngiino de iwihidoaka o Yesusika. De gea manga hidoaka o gurasi ma dutu, de o manyanyi, de o muuru abe ma bounu duru ma hohailoa.

Matiusu 20:20

De ipahaino de o Sebedeusu ai ngofaka yahinooto o Yakobusu de o Yohanese, abe o Yesusu iwinii-niiki yangimoi de yahinootoino, ona de manga meme yoboa o Yesusino. De manga meme matilabukuku o Yesusu ai himangoka la mato mogahoko moi Unangino.

Matiusu 26:6

De o Yesusu de iwinii-niiki ona o lokuoka de yosobo yoiki o Betania ma kapongika, de genangoka yowohama o Simono ai tauika, abe una ma dihira iwipado-pado.

Matiusu 28:17

Ho ona yomahiadonoka genangika de yomakamake de o Yesusu, ho yomahuba-huba Unangika. De barikua yomahuba Unangika ma naga utu onangino abe ka ikurangohi yongaku abe Una wagou-goungu womomikoka!

Matiusu 28:9

De manga dodagi ma gogiriakahi de ka itodokanino de yomakamake de o Yesusu. De Una wotemo wato, “Ho duru nisanangioka dika!” De ona yomahitigi Unangika de yatilabukuku la ka idadi iwiso ai louika de yomahuba-huba Unangika.

Matiusu 4:9

De gea iwihimatoko Unangika de iwitemo ato, “Naa ma hohailoa mata-mataika ka idadi tonihidotodoaka ngonaika la ahao idadi to ngona ani kuahaka, iti ngona natilabukuku ahi himangoka de nomahuba ngohino!”

Matiusu 8:1

De o Yesusu o nyawaika wadotoko ibooto de ahao Una wouti o loku ma geleforuku de o nyawa ko manga ngoe iwinii-niiki Unangika.

Matiusu 8:25

Ho ona iwinii-niiki yoiki Unangika de iwitumomiki ma titi iwiboa-boaka ato, “Mia Baluhu, Ngona kiani nomiduhunohi done inalutu!”

Matiusu 9:18

De o Yesusu Una wotemo ai gogiriakahi abe o Yohanese Wotobaohi-ohiki iwinii-niikika de naga womatengo woboa Unangino. Abe una gea o Yahudi ma nyawa manga dodotoko ma tau ma hibaluhu. Ho una woboaino de watilabukuku o Yesusu ai himangoka de wihingahu Unangika wato, “Marai to ngohi ngohi ora ahao naa mohonengoka. Ho ngohi togahoko Ngona nohiniiki de nomiso de ani giama, angamoi ngohi tohioriki Ngona ka idadi nomihimomiki ami honengino la mowangoli.”

Lukasa 4:27

“De hokogenangoo abe ma dihira ma oraha o Elisa wileleani Ma Jouika, abe unangikaoo ikuranga iwihoromati o Isiraele ma nyawa. De ma oraha gea de naga manga ngoe o Isiraele ma nyawa yapado-pado, masara o Elisa ko wahitogumua onangika gea. Ma nako o Siria ma nyawa ai romanga o Naamana abe iwipado, unangika dika o Elisa wihitogumu ai panyakeino.” Hokogea o Yesusu ai demo onangika.

Yohanese 9:38

De worafi-rafi gea duru wihidogaragoholi o Yesusika ho womamotumuku ai himangoka de duru ka de ai doraka wotemo wato, “Ahi Baluhu, duru toningaku.”

Hidingoto 10:14

Masara una wopaluhu wato, “Ahi Baluhu, ngohi duru ko tadadiua! Angamoi ahi etetekinohi de hiadono naa de ko ma moiuahi taolomo ma roehe abe to ngomi mia Pareta imihuloko ato gea ko idadiua ma roehe gea miolomo.”

Hidingoto 10:25

Ho ka de o Peturusu wowohama o Koroneliusu ai tauino de ma tau ma dutu womataiti womamotumuku la wato womahuba o Peturusu ai himangoka.

1 Korintusu 14:25

De angamoi to ona manga howono Ma Jou wahimatoko onangika ti ngini nia kokiuruino, ahao ona gea yomamotumuku de iwihigiriiri Ma Jouika, ato, “Duru igoungu Ma Jou naga ti ngini nia hidogoronaka naa.” De hokogea itaana abe ma hiakunu gea itiai ngone hapake nanga doomu ma goronaka.

Himatoko 19:10

Ho ka de wohitemo hokogea de ngohi tomamotumukuoka o malaekata gea ai louoka la tato tomahuba unangika. Masara una wohitaere ngohino wato, “Ufa hokogea nodiai! Ngona kiani Ma Jouika dika nomahuba. Angamoi ngohi naa to Una ai gilaongo abe imaketero hoka ngonali de abe hoka nanga gogianongoru utuoli abe ngone homoi-homoi hahingahu-ngahu o Yesusu ai ade-ade de duru hahigaro o nyawaika la hato ona ka idadi iwingaku Unangika. Angamoi ma hingahu ma demo abe yahigaro o nyawaika la iwingaku o Yesusika, ena gea ma hirete abe yahiakunu Ma Jou ai nyawaika la ma abari gea ka idadi yahingahu-ngahu o nyawa utuika.” Hokogea o malaekata ai demo ngohino.