Matiusu 7:6 - Ma Jou ai Demo-demo o Totobelohoka

⁶ De o Yesusu ka wadotokohi wato, “Nako ngini niadotoko Ma Jou ai Demo-demo o nyawaika, masara ona gea ko yodafongua de ka yahohedu dika enangika, gea ngini ibootohi niahingahu onangika gea. Angamoi ai Demo-demo gea duru de ma medebinoka Ma Jou ai himangoka, ho ufa niahidoaka onangika gea abe ka yaoluku dika. Angamoi ona gea tahiketero abe hoka o fuhuku ma kaho eko abe hoka o ode. Abe ngaro o inomo ma rorahai hohitoofo o fuhuku ma kahoika ma yaoluku ho ko yaolomua, de hongoli ka idadiohi ma kaho inaorutu ngone. De ngaro naga o biagaro ma hakaru moi abe ena gea duru de ma ijaka la gea hato hohidoaka o odeika. Masara abe ma hali-hali gea ma ode ka yaoluku ho adoko-doko dika o pesekoka. Ho ngini nako niadotoko o nyawaika to Una ai Demo-demoino abe duru ikurutiye masara ona ka yoluku dika, gea ibootohi de niadotoko onangika.”

Matiusu 7:6 Iomraidhean Croise

Sosawaro 26:11

“O bodo ma nyawa ngaro manga bodo ma datoro yodiaioka, masara gea ka oko dika yodiaioli manga bodo gea, de gea imaketero hoka o kaho iwunangoka masara ahao ka yogilioli to ena ma ngunangino la ma moioli yaolomo.”

Matiusu 15:26

De o Yesusu womipaluhu wato, “Hobata, tomahilooa, ma kiani ma ngofa-ngofaka ona yohira yahiolomo. Ko idadiua o ngofa-ngofaka manga inomo genangino yagoraka de yododutumoika o kahoika gea. Ho gea Ngohi tato kiani o Yahudi ma nyawa tatihira abe taleleani.”

Matiusu 24:10

De ma oraha gea o nyawa manga ngoe ahao ihiporete Ngohi, de naga ahi nyawa utu abe manga gogianongoru yahidoaka o nyawaika la yahikangela onangika. De ma oraha gea ahao o nyawa manga ngoe yomakodohata ona de manga dodiawo.”

Matiusu 7:5

“De nako ti ngini nia hininga la ti ngini ma hirete nia howo-howono ko niolegaikaua masara nioigo nihidaere nia dodiawo manga howono, gea ngini duru nimadokangeluku dika! Ho kiani ihira niahihupuokahi nia howono abe hoka ma gota ma belaka ma ago-agomo naga ti ngini nia lakoka, de gea ipahaino ahao ka idadi nimahioriki itararonokali la nia dodiawo onangikali niaduhunu abe manga gota ma belaka ma eteteke dika gea nihihupu to ona manga lakoino, abe niaduhunu ma titi manga howono gea.”

2 Korintusu 11:26

De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.

Filiipi 3:2

Ho hokonaa ahi hitiari. Kiani nihidodiai ona abe o nyawa yotobadiai itorou, abe ona ato ngini kiani nimahunakahi de ahao ka idadi winidafongo Ma Jou. Gea ona yoeluku dika, angamoi ko enangua ma titi hiadono Ma Jou wonadafongo.

Ibarani 10:29

hongoli ma hohowono itubuho nako o nyawa iwioluku iwiniiki Ma Jou ai Ngofakika! Angamoi duru itaana abe kiani to onangohi manga hohowono duru itubuho, angamoi ona gea yomadiaioka yato Ma Jou ai Ngofaka manga lou ma dodoko. Abe ngaro to Una ai awunu abe genangino ihititi Ma Jou ai behehongo ma hungi naa, masara ona gea duru yongelo ai awunika ato ena gea ko kia-kiaua adaene angamoi bari ka o nyawa biaha dika ai awunu. De abeika, ngaro to Yesusu ai awunu gea ma dihiraino de ona yahitebinoka to ona manga howo-howonino, masara ma oraha nenangoli de ona ihiromanga ai awunika ato ena gea ko itebinua. De ngaro Ma Jou o Womaha abe wonahidoaka ai hiowa ngoneino, masara Unangikaoo ma iwingeloka ona gea. Ho igoungu Ma Jou kiani duru wahohowono onangika gea de o hohowono ma dubuho.

2 Peturusu 2:22

Ho to ona manga hininga gea duru imakiniiki de o demo ma dulu hinooto naa abe ma demo duru igou-goungu. De gea moi itemo ato, “O kaho iwunangoka masara ahao yogilioli to ena ma ngunangino la ma moioli yaolomo.” De naa moioli o demo ma dulu itemo ato, “O ode abe ena aohikoka masara ahao yogilio to ena ma homuika la genangoka imahipesekoli.” Hokogea o demo ma dulu itemo, de hokogenangoo abe ona yotobadotoko ko itiaiua.

Himatoko 22:15

Masara nako ona utu abe yotobadiai itorou, ona gea ahao ko yowohamua ma kota ma goronaika. Abe ona gea ka ihikaika yaniiki manga dodiai, eko ngaro ona abe yomakitigi ko itiaiua, eko ngaro ona yatomaka o nyawa, eko ngaro ona abe yomahuba-huba o popangaoika, eko ngaro ona abe manga hiningaka duru yosanangi la o ngelu-ngeluku yaniiki, ma ona mata-mata gea duru ko idadiua Ma Jou ai kotaika yowohamika masara to ona manga ngi, gea hatoli imakitingakika.”