Matiusu 4:9 - Ma Jou ai Demo-demo o Totobelohoka

⁹ De gea iwihimatoko Unangika de iwitemo ato, “Naa ma hohailoa mata-mataika ka idadi tonihidotodoaka ngonaika la ahao idadi to ngona ani kuahaka, iti ngona natilabukuku ahi himangoka de nomahuba ngohino!”

Matiusu 4:9 Iomraidhean Croise

Sosawaro 8:15

Ho onagona dika abe naga manga kuaha la o nyawa yahiaturu ona ka idadi manga tagongo gea yao itiai ma iti ngohi o ngo Sosawaro tomanoa to ona manga hiningaka. Ho nako naga o koano abe yososawaro o nyawa yahikoano gea mangale ngohi o ngo Sosawaro tomanoa onangoka. De o popareta ka idadi o pareta itotiai yodiai nako ngohi naga onangoka.

Matiusu 26:15

De una waleha onangika wato, “Nako o Yesusu tinihidoaka nginika, gea ahao o tiwi ma gahumu muruono nihihidoaka ngohino?” De woleha ibooto de ona iwihidoaka unangika ma gahumu moruange o tiwi ise-senge abe o haakaino yodiai.

Matiusu 4:10

De o Yesusu wopaluhu enangika wato, “Ngona o Ibilihi, ka nohinoaka dika! Angamoi Ma Jou ai Demo-demoka naga moi itemo ato, ‘Ngini kiani nimahuba nia Jou o Yaweika dika, de ko idadiua utuika ngini nioleleani.’”

Yohanese 12:31

Adonoka ma oraha o dunia ma hohowono, abe ma oraha naa de idadi Ma Jou wohikala ena gea abe o dunia apareta.

Yohanese 13:3

Masara o Yesusu wohioriki ai Baba o kuaha wihidoakoka Unangika la hiadono ko iwa moi abe ko idadiua wohipareta. De naa o Yesusu wohininga abe Una Ma Jouoka de waino de naa itigioka Una wolio Ma Jouika.

Yohanese 14:30

Ho naa Ngohi ko itedekanokaua de ko tinihitararonokaua abe hokonaa tinihitararono angamoi ena gea abe o dunia yapareta itigioka iboa nginika, ma ena gea ko idadiua ihipareta Ngohino.

Yohanese 16:11

De abe ma titi o hohowono o binaahaika enangoo Ma Jou o Womaha wahitararono duru itaana. Abe o Ibilihi Ma Jou wahohowonoka o binaahaika de angamoi o Ibilihi gea o dunia ma nyawa yapareta ho onangoo ahao wahohowono o bobinaahaika.”

1 Timotiusu 3:6

De una gea ufa ai ngongaku ka ikilauohi abe ko womotedekanuahi wingaku Ma Jouika. Angamoi nako hokogea done womasade de hiadono wamake ai hohowono abe imaketero hoka ma dihira o Ibilihioli ma hohowono amake abe ma titi ahao o gareja ma hihira gea iwihiguti ai gogeroka de auku.

Himatoko 19:10

Ho ka de wohitemo hokogea de ngohi tomamotumukuoka o malaekata gea ai louoka la tato tomahuba unangika. Masara una wohitaere ngohino wato, “Ufa hokogea nodiai! Ngona kiani Ma Jouika dika nomahuba. Angamoi ngohi naa to Una ai gilaongo abe imaketero hoka ngonali de abe hoka nanga gogianongoru utuoli abe ngone homoi-homoi hahingahu-ngahu o Yesusu ai ade-ade de duru hahigaro o nyawaika la hato ona ka idadi iwingaku Unangika. Angamoi ma hingahu ma demo abe yahigaro o nyawaika la iwingaku o Yesusika, ena gea ma hirete abe yahiakunu Ma Jou ai nyawaika la ma abari gea ka idadi yahingahu-ngahu o nyawa utuika.” Hokogea o malaekata ai demo ngohino.

Himatoko 19:16

De naga ai romanga moioli ihitulihika abe ai baju ma guru-gurutuku ma uguroko, de gea iwihiromanga ato, “O kokoano mata-mata manga Koano de o balu-baluhu mata-mata manga Baluhu idodutu.” Hokogea to Una ai romanga.