Matiusu 4:6 - Ma Jou ai Demo-demo o Totobelohoka

⁶ De genangoka o Ibilihi ma haeke iwitemo o Yesusika ato, “Nako ngona nagou-goungu Ma Jou ai Ngofaka, abeika nomangumo genangoka de nauku dau ma tonakuku. Angamoi naga o demo moi abe ma dihiraino ihitulihukuoka ma titi Ma Jou ai Ngofaka abe gea itemo ato, ‘Ma Jou wahuloko ai momalaekata la ona iniduhunu Ngonaika, ho gea inilegono de manga giama la ato ufa nogila-gila ma tonakuku de idadi abe ani badanga ma odiri. Ho ai momalaekata gea inigoana Ngona la ngaro ani lou yodigi o hakaruku ma ko ihigunoaua la gea idadi.’”

Matiusu 4:6 Iomraidhean Croise

Higiriiri 34:20

Mangale ma titi Ma Jou o Yawe woigo la ona wadatoko o kangelaino, Ka hiadono ngaro manga kobongo moioo de ko itobikua.

Higiriiri 34:7

Abe Ma Jou o Yawe ai Malaekata to Una ai nyawa wagoana, De woigo waduhunu onangika abe de manga modongo ma horomati Unangika, Ka hiadono wahihupu manga hawanino de manga kangelaino.

Matiusu 4:4

Masara o Yesusu wopaluhu enangika wato, “Koua! Angamoi naga moi ai Demo-demoka ihitulihukuoka ato, ‘O nyawa manga wowango gea ka o rotinoua dika, masara gea ihititioo Ma Jou o Yawe ai demo mata-mataika, ho to Una ai demo enangoo o nyawa yoperelu la yomahitoofo genangino.’”

2 Korintusu 11:14

De gea ngaro ufa hoheranga abe yoigo yomaaduru hoka ngomioli, angamoi ngaro o Ibilihi ma haeke masara enangoo gea imaaduru hoka o malaekatoli. Abe imahihawo de ma rupa moioli la to ena ma rupa imaketero abe hoka Ma Jou ai malaekata de ma dararonoka.

Ibarani 1:14

Angamoi o malaekata mata-mataika, abe ngaro hokokia dika ma gurutiye ma to ona gea manga tagongo naga la iwileleani dika Unangika, masara ko ihikoanoua utuika. Angamoi ona gea hoka o womaha abe Una wahidingoto la ona yaduhunu o nyawaika abe manga hiningaka yosanangi yodafongo to Una ai duduhunu. Masara nako Ma Jou ai Ngofaka, Una gea ka idadi wokoano. Ho gea to Una ai Demo-demoino de hamake duru itararono abe nako to Ma Jou ai momalaekata de to Una ai Ngofaka, ma ka ai Ngofakohi duru wokokurutiye.