Matiusu 4:5 - Ma Jou ai Demo-demo o Totobelohoka

⁵ De ahao o Ibilihi ma haeke iwiaoli o Yesusu o Yerusaleeme ma kotaika, abe ma kota gea duru itebini Ma Jou ai himangoka ma titi womadingakoka. De o Yerusaleemoka de iwikelenga o Yesusu Ma Jou ai Tau ma deturoka abe ma ngi gea duru ikurutiye ho nako o nyawa yaotaka genangoka de yauku gea ka idadi yohonenge.

Matiusu 4:5 Iomraidhean Croise

Matiusu 27:53

De ona gea abe yomomikoka ahao ma oraha o Yesusu womomikokahi de ahao onangoo yanoaikahi manga lungunu homoi-homoi de yotagi-tagi Ma Jou ai debi-debini ma kota ma goronaika. De gea o Yerusaleeme ma kota ma goronaka de o nyawa manga ngoe yamake ona gea abe ma dihiraino yohonengoka ma naa yomomikoli manga honengino.

Lukasa 4:9

De ahao o Ibilihi ma haeke iwiaoli o Yesusu o Yerusaleeme ma kotaika. De o Yerusaleemoka de iwikelenga o Yesusu Ma Jou ai Tau ma deturoka abe ma ngi gea duru ikurutiye. De genangoka o Ibilihi ma haeke iwihigaro o Yesusika ato, “Nako ngona nagou-goungu Ma Jou ai Ngofaka, abeika nomangumo genangoka de nauku dau ma tonakuku.

Yohanese 19:11

De ahao gea o Yesusu wopaluhu o Pilatusika wato, “Ngona ko kia-kiaua Ngohino nodiai nako ko Ma Jouua wonihidoaka ani kuaha ngonaika. Ho o nyawa gea abe Ngohi ihihidoa-doaka ngonaino naa, nako ona de ngona ka to onangohi manga howono ilamoko.”

Himatoko 11:2

Masara nako to Ngohi ahi Tau ma loa ma poretika idate-dateke abe enangoo ihigilolitino de ma dadaduhu, gea ma loa ma gurutu de ma ngoata ngaro ufa dika de natuga, angamoi ma loa gea tohigunoa la idadioka to ona manga kuahaka abe ona ko o Yahudi ma nyawaua. De ona gea ahao yahikala de yahipareta ma titi manga sadeino de hiadono adoko-doko abe ahi kota ma debi-debini o Yerusaleeme ma kotaka. De ahi kota gea to ona manga kuahaka o mede moruata de hinootoino ma dekana, abe gea ma futu o sana moi de o ratuhu hinooto de moributaanga, eko o taongo hange de ma honongaino.