Matiusu 4:12 - Ma Jou ai Demo-demo o Totobelohoka

¹² De ipahaino de naga o popareta ma nyawa ko iwisanangiua o Yohanesika abe watobaohi-ohiki o nyawa, ho iwitaoko de iwibuioka. Ho ka de o Yesusu woihenino abe ma titi o Yohanese iwitaokoka ho Una wanoaika o Yudea ma tonakoka gea de wolio ai kapongo o Nasaretika abe ena gea o Galilea ma tonakoka imanoa.

Matiusu 4:12 Iomraidhean Croise

Matiusu 11:2

De abe ma oraha o Yesusu wotagi-tagi wadotoko o nyawaika de o Yohanese Wotobaohi-ohiki una iwitaokoka ho una naga o bui ma goronaka. De o Yohanese una o buioka de woihenino ma abari abe o nyawa yomaketeade-ade ato bari o Kristusu ai datoro hokonaa de hokonaa wodiaioka. De o Yohanese woihenino ma titi o Kristusu ai datoro gea masara ka nagahi ai leleha o Yohanese ai hiningaka. Ho abe to Yohanese ai nyawa utu wahidingoto yamuruono naga o Yesusika la o Yohanese ai leleha ona ka idadi yadofanga iwileha o Yesusika.

Matiusu 14:3

De o Herodese wotemo hokogea angamoi ma dihira una ma hirete abe wahuloko la o Yohanese iwitaoko de iwipakiti la iwibuika de hiadono iwitoma. De hokonaa ma ade-ade abe hokokia idadi ma oraha o Yohanese iwitoma. De ma dihira o Herodese womagora to una ma hirete ai riaka ngoi fekata de woilaka munangikali, ho womihidadi to unangoli ngoi fekata. De muna gea ami romanga o ngo Herodiasa. Masara o Herodese ai riaka, abe ai romanga o Filipusu, una gea ka wowangohi. Ho mangale ma titi gea o Yohanese ma muruono naga witaere o Herodesika wato, “Ngona natilakuroka nanga pareta angamoi ngona nomagora ani riaka ngoi fekata abe ngaro una ka wowangohi.” De ipahaino to Herodese ngoi fekata gea mihigaro ami rokatika la o Yohanese iwitaoko, de to muna ami mau gea o Herodese waniiki ho iwitaokino.

Maruku 1:14

De ipahaino de o Yohanese iwitaoko de iwibuioka. De gea iwibuioka de ahao o Yesusu woiki o Galilea ma tonakika la wahingahu-ngahu o nyawaika o Abari ma Rorahai Ma Jouino.

Maruku 6:17

Wotemo hokogea angamoi ma dihira una ma hirete abe wahuloko la o Yohanese iwitaoko, iwipakiti de iwibuika. Ho hokonaa ma ade-ade abe hokokia o Yohanese iwitoma. Ma dihira o Herodese womagora to una ma hirete ai riaka ngoi fekata de woilaka munangika, de muna gea ami romanga o ngo Herodiasa. Masara o Herodese ai riaka, abe ai romanga o Filipusu, una naga ka wowangohi. Ho tanu ma oraha o Herodese wahuloko la iwitaoko o Yohanese, gea to munaino dika ami mau waniiki.

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Lukasa 3:20

De ahao o Herodese wodogo-dogo wahowono, angamoi wahuloko ai nyawa la o Yohanese iwitaokino de hiadono iwibuika.

Lukasa 4:14

De ipahaino de o Yesusu wolio o Galilea ma tonakika, de Ma Jou o Womaha ai kuaha duru iwihihira-hira Unangika. De ahao ma nyawa genangoka duru yomaketeade-ade ma titi to Una ai datoro wodiaioka hiadono ona mata-mata ma tonakoka gea iwihioriki ma titi Una.

Lukasa 4:31

De ahao o Yesusu woikoli o Kapenaumu ma kapongika abe imanoa o Galilea ma tonakoka. De genangoka o Hiaini ma wange ma getongo de Una wotobadotoko manga dodotoko ma tauoka.

Yohanese 1:43

De ma dawangeinoli o Yesusu wato woiki o Galileaika. De gea waika de wimake womatengo ai romanga o Filipusu de wiahokino wato, “Hobata, togahoko la ngonaoo nohiniiki Ngohi.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Yohanese 4:43

Ho o futu hinooto ipahaika o Yesusu wogogere o Sikara ma kapongoka gea de wosobo wogila-gila o Galileaika.

Yohanese 4:54

Ho abe o Yesusu o Yudeaka de wolioinoka o Galilea ma tonakino de naa to Una ai heheranga ma hinooto wodiai abe genangino ai buturungu womahitunguu o nyawaika.