Matiusu 26:9 - Ma Jou ai Demo-demo o Totobelohoka

⁹ Koaho ma minya gea afukunu dika la ma tiwi kohaamoko amake, de ahao ma tiwi gea koaho ihidoakika o hu-huha ma nyawaika. Masara nako hoka kangano gea ko itiaiua.” Hokogea imitaere munangika.

Matiusu 26:9 Iomraidhean Croise

2 Kokoano 5:20

De o Naamana de ai nyawa yosoboka masara ko yokurutikauahi de o Elisa ai duduhunu o Gehasi una womatemo ai hiningaka wato, “Kangano ahi baluhu o Elisa koaho wodafongo dika o Arama ma nyawa gea ai hidoaka / hadia. Masara ngohi naa ahi hininga imakohowono. Ho ngohi ahi demoino de duru tagou-goungu tato tihidoduru unangika la ka idadi mimakoketemo. De gea tomahikoboto de tofetongo Ma Jou ai romanga, ho naa bootino tagou-goungu titemo unangika gea la ka idadi tomamake ai hidoaka moi unangoka.”

Matiusu 26:10

De o Yesusu watemo iwinii-niikika wato, “Ibootohi nimiruwae. Abe muna gea modiaioka Ngohino, gea Ngohi tohiromanga tato duru ihailoa.

Matiusu 26:8

De ona abe iwinii-niiki ka de gea amake de duru yongamoka, de ona yomakoketemo ato, “Ou, adodoa ho ma minya gea de maumoka hokogea?

Maruku 14:5

Koaho ma minya gea hafukunu dika la ma tiwi o haaka ise-senge o ratuhu hange hamake, angamoi ngade-ngade imaketero abe o nyawa yokarajaanga manga taongo moi ma dekanino ma hewa. Tanu gea ma ija homamake de ahao hahidoakika o hu-huha ma nyawaika. Masara nako hoka kangano gea ko itiaiua.” Hokogea imitaere munangika.

2 Peturusu 2:15

De igoungu ona gea yorehenoka o totiai ma ngekomoka de aino angamoi ona ko yolegaikakaua enangika. Masara ona yaniikoli o Bileama ai hininga ma ngekomo, abe una ma dodihiraino to Beoro ai ngofaka. Abe una ma dodihiraino de wohafini o tiwika hiadono o dodaere moi wamakeoka. De o Bileama una tanu Ma Jou ai uru ma dodofanga womatengo. Masara naga ma moiuku idadi abe o Bileama iwihewa o nyawa la ato o dorou wodiai de gea bari ma dorouino waduhunu onangika. De gea o Bileama duru wohafini ai hewaika abe ahao wamake ai datoro ma dorou ma hofokino.

1 Samuele 15:21

Masara ahi tentara dika, ona gea yomagaoino o Amaleke ma nyawa manga domba de manga hapi, abe ka enangohi irahai dika, de yomagao o Gigalino naa la ka idadi hahihuba to ngona ani Jouika, Ma Jou o Yawe.” Hokogea o Saulu womahipongono.

1 Samuele 15:9

Ho ka manga koano o Agaga dika abe iwihigunoa la ka wowangohi. De manga hapi de manga dombaino yairiki la ka enangohi abe duru ma rorahai de ena abe ka ma goo-goohi abe duru ikokutufuru de gea ena yao. De nagali yomagoraka o Amaleke ma nyawa manga kiahonangino o kia dika irahai abe yoigo yomahitoona. Ho abe yahibinaaha ka ena dika abe yaetongo ko kia-kiaua ma utumu.