Matiusu 26:2 - Ma Jou ai Demo-demo o Totobelohoka

² “Marai ngini nihiorikoka abe hinootoka de imulaenge nanga Totilakuru ma rame-rame. De naa tinihingahu abe ma oraha gea de Ngohi o Nyawa ma Ngofaka ahao ihihidoaka o nyawa utuikali la ahao ona gea ihihohonenge abe ihihidapakuika o gota isosalioaka.” Hokogea Una womahingahu abe hokokia ahao idadi Unangika.

Matiusu 26:2 Iomraidhean Croise

Huhupu 34:25

“De duru ko idadiua nimahihuba Ngohiye o roti de ma ragioka. Ho ma oraha nimahihuba o huhuba ma awunu de ma hisapuroka de ko idadiua ma hisapuru gea de ma ragioka. De ma oraha o Totilakuru ma huhuba ma roehe niaolomo de kiani niaolomo ka niotengouku abe ma dawangeino ma wange ko ipotokauahi de ma roehe gea niamataka.”

Matiusu 10:4

De nagahi o Simono abe una o Seloto ma doomuino ma nyawa, de naga o Yudasa Isikarioto, abe una gea ahao wihidoaka o Yesusu o nyawaika la iwitoma. De hokogea to ona yangimoi de yahinooto manga roma-romanga abe o Yesusu wahidingoto la o Abari ma Rorahai yahingahu-ngahu o Yahudi ma nyawaika.

Matiusu 17:22

De o wange moiuku de o Yesusu de iwinii-niiki naga yomatoomuino o Galilea ma tonakoka de o Yesusu wahingahu onangika wato, “De naa ngini nihiorikoka abe Ngohi naa o Nyawa ma Ngofaka abe toboa o Horogaka de tauku. Ho naa tinihingahu nginika abe ahao o nyawa ihihidoaka Ngohi o nyawa utuikali la ahao ona gea ihihohonenge.

Matiusu 27:4

De womahiadono onangika de womahingahu wato, “Ngohi tahowonoka, angamoi Una abe tihidoakoka nginika, Una gea ko iwa ai howono.” Masara ona yopaluhu ato, “Ho? Gea to ngona dika ani tagongo de ko to ngomiua. Ho ufa nomiruwae de to ngona ma hirete ani howono gea!”

Lukasa 22:15

De o Yesusu wotemo onangika wato, “Ngohi ma dekaninohi tododamaa de tongano-nganono ma oraha naa ena, abe duru toigo la ahi kokangela ko ihidaenuahi de ka idadi o Totilakuru ma ngolo-ngolomo naa homakokutuono holomo.

Yohanese 11:55

De ahao ma oraha itigioka o Yahudi ma nyawa manga Totilakuru ma rame-rame de naga o nyawa ko manga ngoe manga kapo-kapongoka yokokiloikoka o Yerusaleeme ma kotaika. Gea yoboa o Yerusaleeme ma kotaino la ka idadi yaniiki manga hiaturu abe ato kiani gea yaniiki la yomahidiai yorame-rame. Manga wowango ihidiai la ato iti ko yomulaenguahi ihirame-rame o Totilakuru ma rame-rame de manga wowango itebinoka Ma Jou ai himangoka.

Yohanese 12:1

Ma moioli o Yesusu woboali o Betania ma kapongino, gea o Lasarusu ai kapongo abe gea una ma dihira o Yesusu wihimomikino. De ma oraha gea o wange butaangohi de ahao o Totilakuru ma rame-rame idadi.

Yohanese 18:2

Ma redi gea o Yudasa duru wohioriki ma ngi gea angamoi o Yesusu de ona iwitobaniiki ma moi ma moi yomatoomuino genangoka. De naa itigioka to una ai hidee wohidagi abe wato o Yesusu wifukunu ai musuika.

Yohanese 18:32

De mangale ma titi manga demoino gea hiadono idadi duru imakadaene de gea ma dodihiraino o Yesusu womahingahuoka abe ma titi hokokia ahao wohonenge.

Yohanese 2:13

De genangoka o Yesusu wodamaa hiadono itigioka o Yahudi ma nyawa ihirame-rame manga Totilakuru ma rame-rame de ahao wogila-gila daku o Yerusaleeme ma kotaiye.