Matiusu 15:3 - Ma Jou ai Demo-demo o Totobelohoka

³ De o Yesusu wapaluhu waleha onangika wato, “Ngini naa niahigurubungu ma titi ihinii-niiki abe niato ona ko yaniikua nanga balu-baluhu manga dodotoko, masara nanga balu-baluhu gea ka o nyawa biahaino dika. Masara ngini hiadono naa de ka niatilakurohi ma pareta utu abe Ma Jouoka de aino wonahidoaka. Ho ngini naa, adodoa ho ngini niatilakuru Ma Jou ma hirete ai Pareta ngoneino?”

Matiusu 15:3 Iomraidhean Croise

Matiusu 15:2

De ona iwileha ato, “Adodoa ho ininii-niiki abe ma oraha yolomo de ona ko aniikua nanga pareta abe nanga balu-baluhino inadotokoka? Abe ma oraha ininii-niiki yolomo de ona ko yomaihorikaua manga giama.”

Matiusu 15:4

“Abeika ngini nimafikirohi abe ma pareta naa moi niatotilakuru. Abe ma dodihiraino Ma Jou wonahuloko wato, ‘Ngini kiani de nia horomati nia babaika de nia memeika hiadono niahingounu de niao irahai,’ de wotemoli wato, ‘Onagona dika abe yahikoboto manga babaika eko manga memeika kiani yohonenge, de manga hohowono gea itiai.’

Kolose 2:23

De igoungu naga ma pareta de ma hiaturu kohangoe abe o nyawa manga hiningaka de aino dika iboa, de gea ma dumutu la inahipareta hokokia kiani haniiki de homahuba Ma Jouika. Abe hoka ma pareta gea naga utu o nyawa yaniiki ato, “Nako ma pareta naa taniiki, o nyawa ka ihimake abe ahi hininga ma dodipokouku.” Hokogea manga hiningaka itemo. De nagali ma hiaturu abe o nyawa utu yaniiki hiadono yomahikangela manga badangoka la ato iwihisanangi Ma Jouika. De ma pareta mata-mata abe hokogea imakiniiki, tanu o nyawa manga ngoe yamao hoka ma pareta gea ihititi o sosawaroka. Masara hokogenangua, abe nako ma pareta gea haniiki, gea ko inaduhunua la hiadono ngone nanga roehe ma horoodo yatumungu, ma masara ihitoofo nanga sade dika hiadono ngone homagoraka ma titi haniiki itiai ma pareta kohangoe gea. Masara ma pareta hokogea o duniaka dika ma pareta de duru ko inaduhunua, ho ibootohi haniiki ma pareta gea.

Kolose 2:8

Ahi gogianongoru, ngini kiani nimaagoana done o nyawa abe yotobadotoko o ngelu-ngeluku ma homoa de ona gea ahao initaurino nia hininga de hiadono inihiloara abe to ona manga dodotokika. Abe to ona manga dodotoko gea tanu o nyawaka de aino dika, abe ona o dunia ma biaha yatobadotoko de yomafiki-fikiri hiadono manga hininga ma tobahioriki dika yamake, de genangino yadotoko o nyawaika. Ho manga dodotoko gea duru imakohowono de o Kristusu ai dodotoko.

Titusu 1:14

de ko ihigihenokaua o Yahudioka manga totoadeika, abe manga totoade gea ko ma gou-goungua. De irahai nataere hokogea onangika la ibootohi ona yaniiki o nyawa dika manga pareta, angamoi ona abe yotulihi ma pareta, ona gea duru yorehenoka de yaolukoka ma dodotoko ma gou-goungika.