Matiusu 11:3 - Ma Jou ai Demo-demo o Totobelohoka

³ De gea ai lelehaino ma demo wato, “Sarakia, Ngona naa igou-goungu Una abe iwihiromanga Ma Jou ai Behehongo abe ma dodihiraino Ma Jou womihibehehongokau? Ekola ko Ngonaua? Angamoi nako hoka Ngona ko to Unangua ai Behehongo, bote koaho womatengoli ngomi wiwilingiri abe Una wodadi ma Behehongo Ma Jouino.” Hokogea to Yohanese ai leleha o Yesusika.

Matiusu 11:3 Iomraidhean Croise

Dodadi 12:3

De nako naga o nyawa iniao irahai, De ahao Ngohioli tahiowa onangika, De nako naga o nyawa utu iniao itorou, De ahao Ngohi onangika tahikangela. De mangale ma titi Ngohi tonihiowa ngonaika hiadono o nyawa utu ma owa yakokimake Ngohino o dunia ma amokika, Abe ngaro o kiaka dika manga dutu yogogere, De ma owa gea yamake.”

Dodadi 3:15

Ho ngona de muna, o ngofeka gea, ahao ka tinihikokadohatika, muna de ngona, de to ngona ani ngofaka de ani danonguku, de to muna ami ngofaka de ami danonguku, ona ka ihikaika yomakumusu. De gea yomakumusu ka hiadono ahao woboa womatengo to muna ami toforauku, de Una gea ahao ani pea wawedere, de ngonaoo ahao ai bobooika natuduku.” Hokogea Ma Jou o Yawe ai hohowono o dodihaika.

Dodadi 49:10

Ko moiua la iwiakunu ai kuaha ma dodunguu iwiora, Ho ai totoforauku onangino ka ihikaika naga abe yodadi o koano, Hiadono una woboa ai romanga o Silo abe o koano ma tutukunu gea to una ma dutu. Gea una abe ahao o nyawa o tonaka mata-mataika iwihingounu.

Yesaya 7:14

Ho de ahao Ma Jou ma hirete winihidoaka o dodunguu moi hokonaa, ahao naga momatengo o moholehe ko yomakitigiuahi de o nauru masara muna de ami badangoka. De momagerewoto de ami ngofaka o nauru. De Una gea iwihiromanga o Imanuele.

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Maleaki 4:2

“Masara ngini onagona dika abe naga nia horomati de nia hingounu Ngohino, gea duru nimakohowono de ona abe tahohowono ma oraha gea. Abe ngini ahao nia wowango ma datoro ma totiai imahilaku nginioka hiadono duru nigogarago. De mangale ma titi nia datoro ma totiai ahao ka idadi inihitogumu nia kangelaino. Ho ma oraha gea de ngini ko niakunua niatumungu nia gogarago ho hiadono ka inihirarama nia garago gea. Abe ngini niamao nimaketero hoka o totaleo abe ihihupu ma kurungaka de aika ma homoaika la ihoho aika aino.

Gegetongo 24:17

Naga o Yakubu ai totoforauku womatengo ngohi naa timake, Masara ko ma oraha nenangua de timake ma, ika-ika de una naga, Abe doka ma gurutika mia himangoka una gea timake. Una o Yakubu ai toforauku, abe o nyawa mata-mataika ahao iwihioriki, Una hoka o murumu kohadararono abe ma dihangoka iboaiye, O koano ma tutukunu naga ai giamoka abe ihitunguu o kuaha kohaamoko, De una womaboa o Isiraele ma nyawaka de aino. Una ahao o Moaba ma nyawa manga pea ma kabelanga wakokipelaka, Ona o Sete ai totoforauku abe manga pea wakokipelaka, Una o Isiraele manga koano de ai kuaha gea kohaamoko.

Matiusu 11:10

De Ma Jou ai Demo-demo naa moi abe ma dodihiraino wotemo to Una ai Ngofakika de hiadono ihitulihukuoka, gea ena ma demo ma dumutu o Yohanese Wotobaohi-ohikika. Abe ma demo gea itemo ato, ‘Abeika Ngohi ahao tihidingoto womatengo la wototaka ahi Demo-demo o nyawaika. De una gea tihidingoto wohira la to Ngona ani ngekomo wonihidiai, de ahao Ngona nihidoduruika ai poretino.’ De hokogea Ma Jou o Baba ai demo ma dihiraino abe wotemo ai Ngofakika ma titi o Yohanese.”

Matiusu 11:4

De abe iwinii-niiki o Yohanese ona yoboa o Yesusino de iwileha Unangika, de o Yohanese ai leleha ma demo aniiki. De gea o Yesusu wapaluhu onangika wato, “Ngini naa niamakeoka ahi datoro, ho ka idadi niwigilio o Yohanesika de niwiade-ade unangika abe ngini ma hirete niihene ahi dodotoko ma demoino de abe de nia lako niamake to Ngohi ahi datoroka.

Matiusu 21:9

Ho o Yesusu wobarenuku de ma keledai ma ngofaka iwihidagi-dagi o Yerusaleemika de o nyawa naga utu ai himangokahi, masara naga utu iwihidoduru ai poretino. De o nyawa ko manga ngoe gea duru yogogarago hiadono yokokipoaka ato, “Hihigogiriiri Una woboaino naa, nanga tofora o Dautu ai totoforaukuino abe ma dodihiraino de Ma Jou wonahibehehongo wato ahao wonahikoano! De naa adonoka ma oraha abe Una naa wonahikoano hoka ma dodihiraka abe nanga tofora o Dautu wonahikoano! Hihigogiriiri nanga Jou o Horogaka!”

Maruku 11:9

De o nyawa yowoe-woe gea, ona mata-mata iwihigiriiri o Yesusika. De gea o Yesusu naga woboa o kotaino, de o nyawa naga utu ai himangokahi, masara naga utu iwihidoduru ai poretino, de ona mata-mata yokokipoaka ato, “Una woboaino naa Ma Jou ai uru ma dodofanga, ho ngomi wiwigahoko la Ma Jou wihiowa Unangika! Hihigogiriiri Ma Jou!

Lukasa 19:38

De manga higiriiri ma demo yopoa-poaka ato, “Una woboaino naa Ma Jou ai koano abe ma dodihiraino wonahibehehongoka! Hihigogiriiri Ma Jou! De mangale ma titi Una naa hiadono ngone de Ma Jou homakadameoka! Hihigogiriiri Ma Jou o Horogaka, abe ka Unangohi duru wokokurutiye!”

Yohanese 11:27

Ho o ngo Marata mopaluhu unangika mato, “Ahi Baluhu, igoungu, duru tangaku Ngona naa o Mesia, Ma Jou ai Ngofaka, abe Una Ma Jou wohibehehongoka wato ahao woboa o duniauku, gea Ngona naa.”

Yohanese 12:13

De ona ato yoiki iwibuhuku ho o biso ma hoka yomakokigoto de yoiki o Yesusu iwikokibuhukika de yopoa-poaka ato, “Hihigogiriiri Ma Jou! Una woboaino naa Ma Jou ai uru ma dodofanga! De Unangoo o Isiraele ma nyawa nanga Koano, ho higahoko ma owa Ma Jouino!” Hokogea iwihigiriiri o Yesusu.

Yohanese 16:14

De Una ahao wohiboa o higiriiri Ngohino. Abe to Ngohi ahi demo Una ahao wagoraka de winihihohininga nginika la ka idadi niataoko itiai. De genangino Ngohi ka idadi tamake o higiriiri.”

Yohanese 4:21

De o Yesusu wopaluhu munangika wato, “Hobata, ahi demo naa kiani nangaku, ahao naga ma oraha iboa abe ngini nimahuba o Babaiye ko o lokuokaua de ko o Yerusaleemokaua.

Yohanese 6:14

De ai dodunguu naa o Yesusu wodiai duru yowoe-woe gea manga himangoka de yoheranga hiadono yomakoketemo ato, “Maraioka Una naa Ma Jou ai uru ma dodofanga abe nengokaino Ma Jou wohibehehongoka wato ahao woboa o duniauku.”

Yohanese 7:31

De manga ngoe genangoka iwingaku o Yesusika abe Una Ma Jou ai Behehongo, ato, “Angamoi ko ma iwa utu abe ka idadi yodiai o heheranga hokonaa ma ngoe, ho maraioka Una gea o Mesia!”

Ibarani 10:37

De gea ko itedekanokaua de idadi, angamoi naga ihitulihukuoka Ma Jou ai Demo-demoino ato, “Ko itedekanokaua de Una woboaka abe ma oraha naa Una gea hidodamaa la woboa; abe Una gea ko wohiaka-akaua ma titi ai gahe.