Matiusu 1:8 - Ma Jou ai Demo-demo o Totobelohoka

⁸ De ukuoli o Asa to una ai ngofaka gea o Yosafata, de ukuoli o Yosafata ai ngofaka o Yorama, de ukuoli o Yorama ai ngofaka gea o Usia.

Matiusu 1:8 Iomraidhean Croise

1 Kokoano 15:24

De ma oraha o Asa wohonenge de unangoo iwilungunu o Dautu de ai totofora manga lungunu ma ngioka o Dautu ai kota ma goronaka. De ahao o Asa ai ngofaka o Yosafata wituruuru ho unangoli wodadi o Yehuda ma kokawaaha manga koano. De hokonaa ma ade-ade ma titi o kokoano dau o Isiraele ma tonakoka abe hokokia o Baesa gea wodadi manga koano. O Yerobeama gea duru ihira Ma Jou wihidadi o Isiraele ma nyawa manga koano masara una ahao duru wotobalawana Ma Jouika. De ma oraha o Yerobeama wohonengoka ai ngofaka o Nadaba wodadi manga koano. Masara o Nadaba ai datoro hoka ai babali de ai kokawaaha wahikoano itorou. De o Nadaba wohikoano ko itedekanua de o Baesa witoma de wituruuru ho unangoli wodadi o Isiraele ma nyawa manga koano ma oraha o Asa wahikoano daku o Yehuda ma tonakoka.

2 Kokoano 3:1

De manga koano o Yorama, abe ai baba o Ahaba, una womulaenge wahikoano dau o Isiraele ma tonakoka, abe ma oraha daku o Yehuda ma tonakoka, ma koano o Yosafata wohikoano ngade-ngade ai taongo ngimoi de tufange ma dekana. De o Yorama una ai gogere o Samaria ma kotaka de genangoka o Isiraele ma nyawa wahikoano o taongo ngimoi de hinooto ma dekana.

Matiusu 1:7

De ukuoli o Saloomo ai ngofaka gea o Rehabeama, de ukuoli o Rehabeama ai ngofaka o Abia, de ukuoli o Abia ai ngofaka gea o Asa.

Matiusu 1:9

De ukuoli o Usia ai ngofaka gea o Yotama, de ukuoli o Yotama ai ngofaka o Ahasa, de ukuoli o Ahasa ai ngofaka gea o Hisikia.