Kolose 1:2 - Ma Jou ai Demo-demo o Totobelohoka

² Ho imihinooto o hurata naa mihidingoto nginika abe Ma Jou ai nyawaika o Kolose ma kapongoka, abe ngini nimanoa o Kristusoka de ka ihikaika o Yesusu Kristusu ai mau nianiiki. Ngohi naa tinigahoko Ma Jou nanga Babaiye la ai owa de ai hininga ma miriidi winihidoaka nginika.

Kolose 1:2 Iomraidhean Croise

Hidingoto 9:13

De o Ananiasa wato, “Masara ahi Baluhu! Ngohi tigihenoka ma titi ma nyawa gea! Abe una ai datoro ma dorou ma ngoe wodiaioka ani nyawa yotebi-tebinika o Yerusaleemoka!

Roma 1:7

Ho igoungu ngini naa Ma Jou duru winidora nginika, de Unangoo winiahoko Unangino, de hiadono nginioo nidadioka to Una ma hirete ai nyawa! Ho naa ahi hurata ma goronaka de ngohi ahi tabea tohidingoto ngini ahi gogianongoru mata-mataika o Roma ma kotaka. De ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.

1 Korintusu 4:17

Ho gea ma titi hiadono nanga gianongoru o Timotiusu tihidingoto nginika, angamoi una to ngohi ahi ngofaka nanga Baluhoka abe duru tidora de abe una duru wingaku o Kristusika. Una gea tihidingoto la tato winihihohininga nginika hokokia ngohi ahi wowango imakiniiki hoka o Kristusoli ai hininga. De ahi wowango ma datoro o Kristusoka gea duru imaketero abe hoka todoto-dotoko o gareja homoi-homoiika.

Galatia 1:3

De ngomi naa minigahoko nanga Baba Ma Jouika de nanga Baluhu idodutu o Yesusu Kristusika, la ahao ma owa de o hininga ma miriidi abe Ma Jouoka de aino ahao winihidoaka nginika.

Galatia 3:9

De ma owa gea o Abarahaama wamake de gea ma titi unangoo o ngongaku ma nyawa. Ho gea ngone onagona dika abe hongaku-ngakuoka Ma Jouika, gea ngone hakokimake ma owa moi abe hoka ma dodihirainohi o Abarahaamoli wamakeoka ma titi Ma Jou wonasanangi ngoneino.

Efesusu 1:1

Ahi gogianongoru o Yesusu Kristusoka abe o Efesusu ma kotaka nimanoa. Ngohi naa o Paulusu, abe Ma Jou wohiirikoka ngohi la todadi o hidingoto ma nyawa abe tahingahu-ngahu o nyawaika ma titi o Yesusu Kristusu nanga Koano abe Ma Jou wonahibehehongoka. De o hurata naa tohidingoto abe ngini niwingaku-ngaku o Yesusu Kristusika abe Ma Jou winitinga-tingakoka ngini Unangika.

Efesusu 6:21

De naa ngohi toigo la ngini nihioriki abe o abari ma hingahu ngohioka abe hokokia mata-mata idadi ngohino, ho naa nanga gianongoru o Tikiku tihidingoto la una ahao winihingahu o abari ma titi ngohino. De abe o Tikiku, una gea ngomi duru wiwidora unangika de una gea duru watobagou-goungu wileleani nanga Baluhu idodutuoka.

Filiipi 1:1

Mia gogianongoru o Yesusu Kristusoka abe o Filiipi ma kapongoka nimanoa. Ngomi naa o Paulusu de o Timotiusu, to Yesusu Kristusu ai huhuloko. Abe o Kristusu, Una gea nanga Koano Ma Jou wonahibehehongoka. De naa mia hurata mihidingoto ngini mata-mataika abe Ma Jou winihidadioka to Una ai nyawa. De ngaro ngini abe o gareja ma hihira de nginioo abe nitobaduhu-duhunu o garejaka, ma, to ngomi mia horomati mihidingoto ngini mata-mataika.

1 Peturusu 1:2

De ngini naa duru ma dodihiraka de Ma Jou o Baba winihiorikokau abe ngini ahao nidadi to Una ai nyawa duru ma hohailoa. De ipahaino de idadi hokogea, abe Ma Jou o Womaha winitingaka ngini o nyawa manga hidogoronaka de aino. De abe Una winitingaka ngini, gea to Una ai hininga ma dumutu la ngini duru niwihingounu Unangika. De ufa ngini niawohanga abe o Yesusu Kristusu womahidoaka la ai awunino de ngini ka idadi niwiniiki de niwihingounu Unangika. De hokogea Ma Jou winiao nginika ma titi ma dodihirakahi de ngini winihiorikokau abe ahao nidadi to Una ai nyawa duru ma hohailoa. De ngini naa to Una ai nyawa abe tinihurata nginika. De naa ngohi tinigahoko Unangiye la ahao to Una ai hininga ma owa de ai hininga ma miriidi gea duru ma amoko winihidoaka nginika.

2 Peturusu 1:2

De naa ngohi tinigahoko Unangiye la ahao to Una ai hininga ma owa de ai hininga ma miriidi gea duru ma amoko winihidoaka nginika ma titi abe ngini duru niwihioriki Ma Jouika de to ngone nanga Baluhu idodutu o Yesusikaoo ngini niwihioriki.

Yudasa 1:2

De naa ngohi tonganono abe ngini ka ihikaika niamake Ma Jou ai owa de ai hininga ma miriidi de ai hininga ma dora, la hiadono gea ka idogo-dogo nia kokihiningaka.

Himatoko 1:4

De naa ngohi o Yohanese tinihurata abe ngini ahi gogianongoru o gareja tumidika, de abe nia gareja ma doomu tumidi gea naga nimanoa o Asia ma propinsioka. De ngohi tinigahoko Ma Jouiye de tonganono la to Una ai owa de ai hininga ma miriidi winihidoaka nginika. De Una gea abe ma oraha naa Una nagahi, de Una ngaro ka hiado-adonino ma Una nagau, de ngaro ka hiado-adonika ma Una gea ka wowangohi. De to Una ai kadera duru ma hohailoa ma himangoka de naga genangoka Ma Jou o Womaha ko wokurangua ma duru wongodu-ngodumu.