Ho ka de yoihene o Kedoro-Lomere wotigioka de o koano yamotoa abe o Sodomino, de o Gomoraino, de o Adimaino, de o Seboimino, de o Belaino abe ihiromangoli o Soara ma kota, ona gea yokokiboa de manga tentara mata-mata. Ona mata-mata gea yokokiboaka o Sidimi ma dolaino de yomatatorika genangoka. Hokogea yomahidiai ato, “Naa nanga musu haparangi.” De o Kedoro-Lomere de ai dodiawo o koano yahange de to ona manga tentara onangoo yomahidiaioka yaparangi. Ho naa o koano yamotoa abe yahikoano o kota motoa o dolaka abe genangoka o Loti wogogere, ona yalawana o homoaino ma koano yaiata gea abe manga gogere o Elamoka, de o Goyimoka, de o Babeloka, de o Elasaroka.
Hosea 11:8 - Ma Jou ai Demo-demo o Totobelohoka8 Masara ngaro Ma Jou ai hiningaka de duru wangamo onangika, gea wohigila-gila ai demo wato, “Masara Ngohi naa done sarakia de tinihidoaka ngini la ahao inihibinaaha? Ngini naa o Isiraele ma nyawa nidadioka ahi ngofaka, ho ko idadiua tinihihononga tinihihupu ma homoaika. Duru ko tadadiua tinihohowono de o bobinaaha abe imaketero hoka ma kota hinooto gea ma dihiraino o Adima de o Seboimi. Angamoi ahi hininga aturuuruoka ma titi ahi dora ma hiokoo duru itagi nginika! Faic an caibideil |
Hosea 11:8
38 Iomraidhean Croise
De ma koano ai demo gea moihene de ma ngofaka wowango-wango ngomi meme ma gou-goungu ami dora ma hiokoo imihipareta ami hiningaka. Ho muna momataiti mopoaka de ami ilingi ma amokiye mato, “Ahi koano, ko idadiua! Ufa hiadono niwihohonenge ma ngofaka naa. Koaho niwihidoaka munangika dika done wohonenge.” Masara ma ngofeka momatengoli gea mato, “Koua! Koaho niwitobiki dika la ngaro ngohi masara ko timakeua de ngaro munangoo gea masara ko mimakeua ma ngofaka naa!”
De ahao Ma Jou wohihuloko wato, “Ngona kiani noiki de nadofanga ahi demo naa o Isiraele ma nyawaika, de gea kiani de ani ilingi ma amokiye notemo. Nahingahu nato, ‘Ngini o Isiraele ma nyawa abe nirehenoka Ngohino ma homoaika, duru toigo la nitotoihene ahi demoino naa. Ngohi Ma Jou o Yawe tiniahoko la ngini mata-mata nihigilio Ngohino. Angamoi ahi ngamo nginika ko iwaka ma titi ahi dora ma hiokoo ilaku ahi hininga ma goronaka.
De ahao Ngohioli tomahingahu ahi hininga ma titi ngini o Isiraele ma nyawa. Abe ngini naa nidadioka to Ngohi ahi ngofa-ngofaka abe duru tinidora de duru tomorene nginika. De ngaro ma ngoe Ngohi kiani tinitaere nginika masara ahi hininga ma dora ka itagiohi ngini ahi ngofa-ngofakika. De mangale ma titi to Ngohi ahi hininga ma dora ma hiokoo duru itagi nginika, ho kiani tiniao de ahi dora ma hiokoo ma amoko. De hokogea ahao idadi nginika angamoi Ngohi naa Ma Jou o Yawe tinihibehehongoka!”
Ma Jou wotemo wato, “Ngohi tanu toigo tahitogumu o Isiraele ma nyawa manga kangelaino. Abe ma muruono ibooto tohideeoka la tahitogumu, masara gea de ahao tamake abe to ona manga howono ifoloiholi ho ko idadiuali taduhunu onangika. Abe to ona manga kota ma amoko o Samaria, manga kotaka gea duru aomanga de ona yatobahowo-howono, abe naga yotobatohiki o nyawa manga kiahonanga manga tauino de ngaro o ngekomoka ma yabaatika la yaora-ora!
De ahao o Yesusu wotemoli o nyawa yowoe-woeika wato, “Hiokoo ngini o Yerusaleeme ma nyawa naa! Angamoi ngaro Ma Jou wahidingotoka ai nyawa manga ngoe nginika abe utu ai uru ma dodofanga de utuoli ai abari ato inihingahu nginika, masara ona gea ngini niatomaka. Abe utu onangino ngini niahakaru onangika ka hiadono yohonenge. Ho gea inihitaana abe ngini niaoluku Ma Jou ai demo nginika. De ngaro ngini nia hininga hokogea masara Ngohi naa ma ngoe toigo tapake ahi hininga ma dora nginika masara Ngohioo nihioluku. De gea tonahiketero abe Ngohi hoka o kuru-kuru ma mayo abe yoigo atoomuino to ena ma ngofa-ngofaka ma gafuufu ma timiuku la duru imahidutuku ma mayoika. Masara ngini naa nioluku niboa Ngohino.”
Abe nia tonaka ma amokika ahao naga ma gahi de ma uba itoka-tokara yawoongo ma tonaka gea. Ho ko moiua yodatomo de ko moiua iwangoiye genangoka, de ma bahauku de ahao hamake imakadaene hoka o kota ma dodihiraino gea o Sodomo de o Gomora de o Adima de o Seboimi. Angamoi ma kota gea Ma Jou duru wahibinaaha mangale ma titi ai ngamo duru kohaamoko.
De ahao Ngohi Ma Jou o Yawe tahibalaha la ahi nyawa ka idadi o totiai yamake, de ahi hininga ma dora ma hiokoo itagi ahi nyawaika. Abe ma oraha gea Ngohi tomalega onangika de tamake abe ko yomangakunokaua, de ona gea duru yohutuloka, abe ngaro o gilaongo ma nyawa eko ona abe ko o gilaongua, masara ngade-ngade yohotumoka mata-mata.”
De naga ma ade-ade moioli tinihihohininga, de gea ma titi ma dodihiraino o Sodomo de o Gomora de naga ma kota utu abe ihigilolitino ma kota hinooto gea. Abe ma nyawa ma dodihiraino yogoo-gogere ma kota-kotaka gea to onangoo manga datoro hatoli imaketero abe hoka o malaekata ma dorouoli ma datoro, angamoi onangoo yomakitigi ko itiaiua de nagali yohafini utuika abe ko imakiniikua de Ma Jou ai hininga de ai hiaturu ai dulaadaino. De gea ma kota ma nyawa onangoo ma bahauku de Ma Jou wahibinaaha de o uku ka hiado-adonika. De igoungu ona gea ka ma dodihirainohi de hidutu ka ma oraha naa de ka wahihohowonohi de o uku. Ho ona gea yodadioka o dodotoko de o hitiari ngone mata-mataino abe ma titi hokokia ma mogiria Ma Jou ai hohowono onangika abe ko iwinii-niikua.
De ona yahinooto gea manga honenge yanoaika dika o ngekomoka abe o kota ma amoko gea ma goronaka. De gea ena ma kota abe ma dihiraino to ona manga Baluhu idodutu Una iwihidapaku o gota isosalioaika ma kotaka gea. Abe gea ma kota ka idadi hohiromanga enangika o Sodomo ma kota eko hoka o Mesiiri hohiromanga, angamoi ma titi to ona manga wowango ma datoro ma dorou imakiniiki de o Sodomo de o Mesiiri manga datoro ma dorou abe ma dodihiraino.
De gea ona yawuningi ma nofo idoa daku ma hoaniye de onangoo yoari-ari de o tonaka ma kokuhuhunu yomadererouku manga peauku la gea yomahitunguu manga hininga ma huha, de yotemo ato, “Adoo! Ga gena o Babele ma kota duru ko iwaka! Done o kiaka naga o kota moioli abe imakadaene ma hohailoa de o Babele ma kota abe gea youkuoka? Abeika ma kota gea abe ma dihiraino de to ena ma romanga duru ilamoko o duniaka. De duru ma titi ma kota gea hiadono ngone abe de nanga kapaka nanga tiwi idadi ilamoko genangino, angamoi ona ma kotaka gea duru manga tiwi ilamoko. Masara naa ka itodokanino de gea mata-mata ka aiaho. Adoo!” Hokogea to ona manga demo.
Sanasan