Hosea 11:6 - Ma Jou ai Demo-demo o Totobelohoka

⁶ Ho ahao o dia duru itagi to ona manga kota ma gogoronaka, abe manga musu yahidorihipanga manga kota ma ngorana de hiadono ahi nyawa gea yobinaaha.

Hosea 11:6 Iomraidhean Croise

Higiriiri 106:39

Ho gea onangoo duru yomahipeseke de gea yodiai duru itotorou, Abe manga hininga adaene o nyawa manga popangaoika, De yodiai abe itotorou gea duru Ma Jou o Yawe ai himangoka, Imaketero hoka o ngofeka modiai itorou abe ami badanga motobafukunu.

Higiriiri 106:43

Ma ngoe Ma Jou ai nyawa wahihupu manga musu manga kuahaino, Masara ona ka ihikaika yomangiriki la iwilawana Unangika, De ka hiadono de to ona ma hirete manga howono yomahikangela.

Maleaki 4:1

De ahao Ma Jou o Yawe Wokokurutiye wogila-gila wotemo wato, “Abeika ngini nitotoihene ahi demoino! Angamoi Ngohi tinihitiarioka ma titi duru igoungu abe o hohowono ma wange ahao idadi! De ma hohowono gea ka idadi hohiketero hoka o uku kohaamoko abe o kia dika iwohama to ena ma doka-dokarika de duru atinoka hiadono ko iwaka ma hou. Ho ma wange gea adonoka de ahao ona yomasade-sade de abe ma dorou yotobadiai, ona mata-mata yahibinaaha de o uku imaketero hoka o ruruubu dika yaumo doka o uku ma goronaika de ko iwaka. De nako ona gea hahiketero de o gota, gea ahao ngaro to ena ma jaga eko ma ngutuku masara duru ko iwaka mata-mata.”

Higalioli 32:25

De nako ona naga ma homoaka ahao manga musu yoboaino la yabaataika onangika, de ngaro manga tau ma goronaka masara naga abe yangohama onangika, de gea ahao manga ngofa-ngofaka yatomaka dika, ho ahi nyawa gea duru yohawanokaholi. Angamoi ngaro manga goo-goduuru de manga momoholehe de manga ngofaka ma gogilau de manga dimono abe yapoperekioka masara ona manga ngoe yokokihonengoka.