Hosea 11:4 - Ma Jou ai Demo-demo o Totobelohoka

⁴ Abe ka idadi tahiketero ona hoka o hapi o dutu moi. De ahi hapi gea tohidodiai tohihira-hira de o tali, de to ena ma gina tagoraka ma poretino la yamao iuwini, de hongoli Ngohi ma hirete tomaponukuku la tatoofo.

Hosea 11:4 Iomraidhean Croise

2 Samuele 7:14

De Ngohi Ma Jou todadi ai baba de una wodadi ahi ngofaka. De ma oraha una naga ai howono Ngohi ahao utu o nyawa tapake la iwihohowono abe ona ahao yodadi to Ngohi ahi boboha.

Higiriiri 105:40

De ona yomagahoko o roehe de Ma Jou wahiolomo de o totaleo o puyu, De ka ihikaika wahidailako o roti o mana o Horogaino hiadono yapunuhoka.

Huhupu 16:32

De o Musa wahingahu wato, “Hokonaa Ma Jou o Yawe wonahibehehongo, wato, ‘Ngini kiani o mana o duduga moi abe ma dola o litere hinooto nionoauku o botouku la gea niahimatoko nia dano-danonguku ka hiadono yolape-lapeuku. Hokogea nidiai la ka idadi onangoo yamake nia inomo abe tinihidoaka ma oraha tinihihupu o Mesiiri ma tonakino. Abe ma oraha nitagi-tagi o tonaka ma kakaahaika de tinihiolomo de o inomo gea.’ Hokogea Ma Jou wonahibehehongoka.”

Yohanese 12:32

Masara ka de Ngohi o nyawa ihihidoaiyeoka, ho o duniaka ihihitingakoka, de ahao o nyawa mata-mata tataurino Ngohino.”

2 Korintusu 5:14

De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.

Higalioli 32:12

De ma oraha gea ka Ma Jou o Yawe dika wahihira-hira onangika, abe ko iwa o jou ma homoa ona yanii-niiki.

Higalioli 32:14

De nagali wahidailako o hapi ma susu ma haki abe itogowinoka, de o susu o kabingi ma duduonino, de ma roehe de ma hakioka abe o domba de o kabingino abe imanoa o Basana ma lokuoka. De nagahi o gandumu ma roehe duru ma rorahaiholi, de o angguru ma teongo ma gohaka. Ho gea mata-mata ma inomo de ma ngokere abe Una manga Jou ka ihikaika wahidailako ai nyawaika la yososanangi dika.