Hosea 11:3 - Ma Jou ai Demo-demo o Totobelohoka

³ De gea Ngohi ma hirete abe ma dihiraino de tadotoko o Isiraele ma nyawaika gea, abe imaketero hoka ona o ngofaka womatengo, ho Ngohi taso manga giamino de ka ihikaika tao la hiadono ka idadi ona ihioriki yotagi. De ngaro tadotoko de tapaliara hokogea masara barikua de ona ko ihihiorikua abe gea Ngohi tapaliara onangika.

Hosea 11:3 Iomraidhean Croise

Higiriiri 107:20

De Una ka wotemo dika de yotogumu manga panyakeino, Imaketero hoka ona ngade-ngade manga lungunu ma bionoka, De itodokanino Ma Jou o Yawe wagorakiye la ufa yobodito.

Huhupu 15:26

Abe ai demo onangika wato, “Ngini nako nihiao irahai de nihidodiai nihihigihene Ngohi Ma Jou o Yawe, ti ngini nia Jou, de Ngohi tiniduhunu. Abe nako nianiiki itiai ahi hiaturu de ahi pareta mata-mata de Ngohi ahao ko tinihikangelaua de o popanyake abe hoka ma dihiraino de tahihohowono o Mesiiri ma nyawaika. Ngohi naa Ma Jou o Yawe abe ahi kuaha naga o popanyakeika hiadono Ngohi ka idadi tiniduhunu.” Hokogea Ma Jou wahitiari o Isiraele ma nyawaika.

Huhupu 19:4

‘Ngini de ti ngini nia lako niamake mata-mata gea abe Ngohi todiaioka o Mesiiri ma nyawaika la tinihihupu to ona manga kuahaino. De Ngohi tiniao nenangino la tinitoomuino Ngohino. De gea Ngohi tiniao hoka o totaleo o rajawali ma dimono abe de ma buturungu ihihoho ma ngofaka. De hokogenangoli de Ngohi tiniao nenangino de ahi buturungu abe ko ti nginiua nia buturungoka de aino hiadono nimahihupu.

Huhupu 23:25

Ngohi ti ngini nia Jou ho kiani nimahuba ka Ngohi Ma Jou o Yaweino dika de ahao nia inomo de nia akere tohiowa abe Ngohi tinihidailako. De Ngohi tinihikatingaka o popanyakeino.

Hosea 7:1

Ma Jou wotemo wato, “Ngohi tanu toigo tahitogumu o Isiraele ma nyawa manga kangelaino. Abe ma muruono ibooto tohideeoka la tahitogumu, masara gea de ahao tamake abe to ona manga howono ifoloiholi ho ko idadiuali taduhunu onangika. Abe to ona manga kota ma amoko o Samaria, manga kotaka gea duru aomanga de ona yatobahowo-howono, abe naga yotobatohiki o nyawa manga kiahonanga manga tauino de ngaro o ngekomoka ma yabaatika la yaora-ora!

Hosea 7:15

“De hadongoo Ngohi ma hirete abe tatobadotoko onangika hiadono naga manga tobahioriki, de Ngohi abe tahiputurungu onangika. Masara ngaro hokogea tatobaduhunu, ma oraha naa de ona ihihibalaha abe de manga hidee itorou Ngohino!”

Hidingoto 13:18

De abe ma oraha duru yokapakiti manga taongo moruata ma dekanino o tonaka ma kakaahaka de Una duru womatongohono ma titi manga datoro ko itiaiua.

Higalioli 1:31

De gea ngini ma hirete ma dihiraino de niwimake abe hokokia nia Jou winigoana de winipaliara ma oraha nia dodagi ma goronaka abe o tonaka ma kakaahaino nitagi-tagi. De gea Una winipaliara irahai duru imaketero hoka o nyawa womatengo wipaliara ai ngofaka. De ka hokogea dika ai baliara nginika hiadono ma oraha naa abe winiao ma ngiino naa.

Higalioli 33:27

De nanga Jou Una gea duru ko iwa ai bobaha, ho ka ihikaika Una wodadi nanga dadatoko ma ngi. De ngone naa wonahawoka de ai giama la wonaduhunu, ho igoungu Una naga nanga arihonongaka. De ti ngini nia musu Una wakiniiki la yoara dika, de winihuloko nginika wato, ‘Ngini niahibinaaha onangika!’