Gegetongo 6:19 - Ma Jou ai Demo-demo o Totobelohoka

¹⁹ Ho nako o Nasiri ma nyawa gea manga pea homoi-homoiika akuluoka hiadono duru iofi de manga tadauru gea ihidauloka. De gea ihidaulu ibooto de ahao nia hidemo womatengo waleino o hikadame ma domba ma roehe ma panga ka ma moi de ma kobongo abe ma roehe gea ihidahakaioka de o akere. Ho ma roehe gea wahidoaka manga giamika la ona homoi-homoiika yakokisoino manga huhuba ma roehe gea. De ma hidemo ahao waleinoli o roti ko iwa ma ragi abe iharo-harongino wahidoaka onangika amomoi de ihohinyoleoo enangoo wahidoaka manga giamino la yakokisoino manga roti hiadono ona mata-mata yakokimake ma roehe de ma roti gea.

Gegetongo 6:19 Iomraidhean Croise

Gegetongo 6:2

“Musa, hokonaa kiani nahingahu o Isiraele ma nyawa mata-mataika nato, ‘Nako ngini ngaro o nau-nauru, ngaro o ngo-ngofeka, nako naga womatengo eko momatengo abe yoigo yomatingaka Ngohi Ma Jouino la yodadi abe yahiromanga o Nasiri ma nyawa de naga to ona dika manga behehongo Ngohino Ma Jou o Yaweino. De manga behehongo gea de ma gaheoka abe ona ma hirete homoi-homoiika ka idadi yomaputuhu ma dekanino yaniiki o Nasiri ma nyawa manga leleani. Abe kiani yomahingahu hokokia ma dekana manga behehongo ilaku Ngohino, hoka o mede muruono dika, eko o taongo muruono dika yaniiki, eko ka idadi manga behehongo ka hiadono manga wowango ma bahaika yaniiki o Nasiri ma nyawa manga leleani Ma Jouika.

1 Samuele 2:15

De utuohi yahikangela ona abe yoboa la yomahuba-huba, abe manga huhuba ma aewani ma haki ko yotufukuahi o huhuba iharo-harongo ma ngioka la yaniiki Ma Jou ai behehongo ma hiaturu onangika. Abe Ma Jou ai hiaturu la manga huhuba ma haki kiani yotufukokahi de ahao ka idadi ma roehe yomahihuba. Masara o Eli ai ngofa-ngofaka ko yopusingua ma hiaturika gea ho ngaro o nyawa manga huhuba ma haki ko yatufukuahi de ona yoigo ma roehe gea yale dika. Abe o Eli ai ngofa-ngofaka gea manga duduhunu womatengo iwihulokika la wale o huhuba ma roehe ka ma goohi. Abe una wotemo o nyawaika abe womahihuba ai huhuba, wato, “Nohihidoaka ngohino o roehe ma goo genanga la nanga baluhu o hidemo Ma Jouika ka idadi ma roehe gea yomaharongo dika angamoi ka yoluku o roehe ihakaioka. Ho kiani nahidoaka onangika o roehe ma goo dika.” Hokogea manga hidimono gea wagahoko.