Gegetongo 36:2 - Ma Jou ai Demo-demo o Totobelohoka

² Ho ona yomarihimanga de yotemo o Musa de ai dodiawoika ato, “Mia baluhu, ngomi naa mihioriki abe ma dihiraino de Ma Jou o Yawe winihuloko la nimaketebobataru ho genangino de Ma Jou wohiaturu la ma tonaka ma hidoku homoi-homoi imakataana de o Isiraele ma nyawa nanga dutu. De mihiorikoo abe nanga Jou winihuloko la nanga dutu o Selafehada ai oara ma tonaka niahidoaka to una ngoi ora-oraika.

Gegetongo 36:2 Iomraidhean Croise

Gegetongo 33:54

De ahao ma tonaka gea ngini kiani niahikokodoku la nia dutu ngimoi de hinooto gea homoi-homoi yamake ma tonaka abe duru itaana. Ho ngini kiani nimaketebobataru la genangino de Ma Jou wohiaturu ho ma tonaka ma hidoku homoi-homoi imakataana de nia dutu. De gea o dutu abe ona duru ko manga ngoe, ona ahao yamake o tonaka ma amoko, masara nako o tonaka abe hatoli ma eteteke gea o dutu abe hatoli yokuranga ma nyawa yamake. De nako hiadono Ma Jou wahiaturoka ma oraha nimaketebobataru, hokogea dika to Una ai ngiiriki de duru ko idadiokaua ngini nihikawalimi ai ngiiriki gea. De hokogea ma ngekomo la o tonaka mata-mata ihikeregu la nia dutu homoi-homoi yaborimake manga oara ma tonaka.’”

Gegetongo 36:3

Masara abeika naa moi mihipuda mia kangela. Abe nako to una ngoi ora-ora ahao yoilaka de o nau-nauru abe yomahidutu o dutu moiikali. Nako idadi hokogea de ahao manga oara ma tonaka imaturuuru de imadadi o dutu moioli gea manga tonaka. Ho gea de to ngomi naa mia tonaka idadi ietekoli / ikurangoka.