Gegetongo 36:1 - Ma Jou ai Demo-demo o Totobelohoka

¹ De ma moiuku naga o Isiraele ma nyawa manga hohihira yamuruono naga yoboaino la yomarihimanga de o Musa de o hihira utuoli abe duru manga gogere ikokurutiye o Isiraele ma nyawaka. De ona yoboa-boaino, ona o Gileada ma nyawa manga hohihira de o Makiri ai totoforauku. De o Makiri una gea ai baba o Manase, de o Manase ai baba una gea o Yusupu.

Gegetongo 36:1 Iomraidhean Croise

Dodadi 50:23

Una wowango hiadono ai danongo wamake abe o Efaraimi ai ngofa-ngofaka. De to una ai kuwewete abe ai danongo o Makiri ai ngofa-ngofaka, ona o Yusupu wapaliara hoka wahidadi to una ai ngofa-ngofaka. O Makiri gea o Manase ai ngofaka.

Gegetongo 27:1

De o wange moiuku naga o ngofeka yamotoa yoboa o Musa de o hihira utu manga hima-himangino la yomarihimangino de ona. Abe ona yamotoa gea o ria-dodoto de manga baba ai romanga o Selafehada. De nako manga baba una gea o Hefere ai ngofaka de o Gileada ai danongo. De iyeoli o Gileada ai baba o Makiri, de o Makiri ai baba o Manase, de o Manase ai baba una gea o Yusupu abe o Yakubu ai ngofaka. De ma ngo-ngofeka yamotoa gea manga roma-romanga o ngo Mala, o ngo Noa, o ngo Hogala, o ngo Milika de o ngo Tirisa.

Gegetongo 27:2

Ho ona yamotoa yomaokoino o Hikamake ma Tau ma himangoka, de yomarihimangino de o Musa de o Eleasara manga hidemo ma nyawa Ma Jouika, de nagali ma kokawaaha manga hihira mata-mata genangoka. De ona yamotoa yomahingahu ma hihiraika gea ato,

Gegetongo 27:7

“O Selafehada ngoi ora-ora gea manga gurubungu ma demo itaana. Ho kiani ngini niahidoaka manga baba ai oara ma tonaka onangika abe imaketero hoka manga gogianongoru utu yamake. De gea manga baba ai oara kiani imaturuuru onangika.