Gegetongo 32:9 - Ma Jou ai Demo-demo o Totobelohoka

⁹ De ahao ona yoiki o Esekolo ma dolaika de yamake ma tonaka gea masara yolioino de yahihawana o Isiraele ma nyawa abe ona yahingahu ato, ‘Koaho ufa howohama ma tonaka gea abe Ma Jou o Yawe wato wonahidoaka ngoneino.’

Gegetongo 32:9 Iomraidhean Croise

Gegetongo 13:23

De naga o dola moi ma romanga o Esekolo, abe imakitingaka de o Heborono ko ikurutikaua, de ma oraha ona yowohama o Esekolo ma dolaika gea de yamake o angguru ma redi abe duru de ma gutufuroka de o angguru ma hofoko o hahaku moi ihidotobiki de gea ena yomagao. De o angguru ma hahaku moi gea duru kohaamoko ho gea ma oraha yao de kiani ihidapakitika o gotaka de o nyawa yahinooto yomarimoku angamoi kohadubuho. De o delima ma hofoko, de o gogilioro ma hofoko enangoo yotofi de yao la ka idadi yahimatoko manga gogianongoruika.

Gegetongo 13:24

De ma dola gea ihiromanga o Hahaku ma amoko ma dola abe to ona manga demo o Esekolo. De hokogea ma romanga ka ihikaika angamoi ma dola ena gea o angguru duru itohofoko hiadono ona o Isiraele ma nyawa yale o hahaku moi gea abe duru ma amoko.

Gegetongo 13:26

De yoboa de manga dumutu o Musa de o Harunika de o Isiraele ma nyawa manga doomu ma amokika abe naga o Kadesoka abe o Parana ma tonaka ma kakaahaka. Ho manga gogianongoru yokokiboa yomatoomuino la ka idadi yoihene manga hidimono yangimoi de yahinooto gea manga ade-ade. De manga hidimono gea yoade-ade de manga ilingi ma amokiye manga gogianongoruika la manga doomu ma amokika ka idadi yoihene. De manga dodagi ma hasili yahimatoko onangika abe o tonaka gea ma datomo ma hasili irahai abe yaoino.