Gegetongo 32:7 - Ma Jou ai Demo-demo o Totobelohoka

⁷ Nako ngini naangoka dika nimanoa, ahao nia gogianongoru yodadi yohawana de manga hininga ieteke hiadono ko iwaka manga domoroini la yomahihora ma akere de yowohama ma tonakika abe nanga Jou o Yawe wato wahidoaka onangika.

Gegetongo 32:7 Iomraidhean Croise

Gegetongo 13:27

De hokonaa yoade-ade onangika, ato, “Ngomi mimahiadono ma tonakika abe ngini nimihidingoto la miatailako de igoungu o tonaka gea irahai abe ma joro duru ikutufuru genangoka ho duru kohaamoko ma hasili. Abeika ma hofoko miaoino naa abe duru imihitaana miagou-goungu!

Gegetongo 13:31

Masara ai doo-dodiawo abe yomakiniiki o Kanani ma tonaka yatotailako gea, ona yangimoi duru manga hininga imakohowono ho yopaluhu de manga boaka ato, “Ngone duru ko hapoaua hangika haparangi o nyawa gea! Nako ona de ngone ka onangohi duru de manga buturungoka ho!”

Gegetongo 13:4

De hokonaa manga romanga de manga dutu homoi-homoiino abe o Isiraele ma nyawa manga hidimono yairiki ona abe ahao yoiki yatotailako ma tonaka gea. Manga dutu Manga hidingoto ai romanga o Rubene ma nyawa o Samua abe o Sakuru ai ngofaka o Simeono ma nyawa o Safata abe o Hori ai ngofaka o Yehuda ma nyawa o Kalebe abe o Yefune ai ngofaka o Isakara ma nyawa o Yigala abe o Yusupu ai ngofaka o Efaraimi ma nyawa o Hosea abe o Nuunu ai ngofaka o Benyamini ma nyawa o Paliti abe o Rafu ai ngofaka o Sebulono ma nyawa o Gadiele abe o Sodi ai ngofaka o Manase ma nyawa abe o Yusupino o Gadi abe o Susi ai ngofaka o Daana ma nyawa o Amiele abe o Gemali ai ngofaka o Asere ma nyawa o Seturu abe o Mikaele ai ngofaka o Nafatali ma nyawa o Nahibi abe o Wofisi ai ngofaka o Gaada ma nyawa o Guele abe o Makihi ai ngofaka

Gegetongo 21:4

De ahao o Isiraele ma nyawa manga ngi o Hooro ma loku ma timiuku gea yokokisobo. De kiani o ngekomo yaniiki abe ma dumutu o Bongo-bongo ma gahioko la gea ka idadi o Edomo ma tonaka yaloliti hiadono yoboa o Kanani ma tonaka ma batingino doka o Edomo ma honongaka. Masara manga dodagi gea ma gurutika hiadono ko yomatongohonokaua.

Gegetongo 32:6

De o Musa wapaluhu onangika wato, “Ho! Ngini niato bote ka idadi nimanoa naangoka dika masara ti ngini nia gogianongoru mata-mata kiani yogila-gila de yaparangi nanga musuika?

Gegetongo 32:9

De ahao ona yoiki o Esekolo ma dolaika de yamake ma tonaka gea masara yolioino de yahihawana o Isiraele ma nyawa abe ona yahingahu ato, ‘Koaho ufa howohama ma tonaka gea abe Ma Jou o Yawe wato wonahidoaka ngoneino.’

Hidingoto 21:13

De o Paulusu womipaluhu wato, “Done adodoa ho ngini hokonaa niari-ari? Angamoi nia koongoino de duru nihihitubuho ahi hininga! Abe ngohi tanu tomahidiaioka la o Yerusaleemoka de ihibuika, de hongoli ka idadi ona ihitomaka, iti tohiboa o higiriiri nanga Baluhu o Yesusu ai romangika!”

Higalioli 1:28

Ho done hokokia ahao idadi ngoneino? Angamoi nanga gogianongoru abe yatobatailako gea manga demoino de ihihihanga nanga domoroini. Abe ona yoade-ade ma titi ma nyawa duru ko manga ngoe ma tonakoka gea de hongoli nako ona de ngone masara ka onangohi manga badanga ma gogurutiye. De nagali to ona manga kota ma ago-agomo abe homoi-homoi de ma dadaduhu duru ikokurutiyeholi, hiadono ngade-ngade ma dadaduhu gea imahiadono daku ma dihangiye! De nanga gogianongoru inahingahuoo ato o Anaka ai totoforauku naga ma tonakoka gea, de ona manga badanga duru ilago-agomo!’