Gegetongo 32:41 - Ma Jou ai Demo-demo o Totobelohoka

⁴¹ De naga o Manase ma nyawa womatengoli ai romanga o Yairi, de to una ai totoforauku onangoli yoiki ma tonakika gea de yahikala ma nyawa abe yomanoa o kapo-kapongo muruono naga. Ho yomahitoona ma kapongo gea de yahiromangoli ato o Yairi manga kapo-kapongo.

Gegetongo 32:41 Iomraidhean Croise

Higalioli 3:14

De nanga gianongoru o Yairi abe una o Manase manga dutuino, una gea wahihira ai nyawa la yahikala o Agobo ma tonaka mata-mata o Basanoka. De gea yahikala ka hiadono o Gesuru ma nyawa de o Maka ma nyawa manga hiribatingika. De gea wahikala ipaha de ahao wohiromangoli ma tonaka gea wato o Yairi ai kapo-kapongo. De ngaro hiadono ma oraha naa naga masara ka hokogenangohi ma tonaka gea ma romanga.

Hihira 10:4

De o Yairi gea naga ai ngofaka o nauru yamoruange abe ona homoi-homoi yotobafarene o keledai ma oraha yotagi-tagi aika aino. De ai ngofaka gea onangoo homoi-homoi yahiboripareta o kota moruange o Gileada ma tonakoka. De ma kota moruange gea o nyawa ihiromanga enangika ka ma moi ato o Yairi ma / ai kota-kota. De ngaro hiadono ma oraha naa abe tohitulihuku ma ade-ade masara ma kota gea ka ihiromangohi o Yairi ma / ai kota-kota.