Gegetongo 27:23 - Ma Jou ai Demo-demo o Totobelohoka

²³ De genangoka manga doomu ma himangoka de ahao o Musa de ai giama ma hinooto wifokumu o Yosua ai mumukuku de wihibehehongo o Yosuaika abe ai tagongo ma karajaanga. De wihinoa o Yosuaikali ma kuaha abe ma dihira Ma Jou wihidoaka o Musaika. Hokogea o Musa waniiki Ma Jou o Yawe ai behehongika la naa o Yosuaikali wihidoaka ai tagongo la unangoli wahihira-hira o Isiraele ma nyawaika.

Gegetongo 27:23 Iomraidhean Croise

Gegetongo 27:18

De Ma Jou o Yawe wipaluhu o Musaika, wato, “Musa, ani duruuru nagau, una gea o Yosua abe to Nuunu ai ngofaka de ai hiakunu ahi Womahino. Ho ngona ahao o Yosua nile de nifokumu la nohitunguu abe una to ngona ani duruuru.

Gegetongo 27:19

De ahao o Yosua gea niao o Eleasarika, abe una nia hidemo Ngohino, la una ahao o Yosua witingaka ai karajaangika abe una wodadioka o Isiraele ma nyawa manga hihira. De gea kiani o Eleasara wodiai duru o Isiraele ma nyawa manga doomu ma amokika manga himangoka.

Gegetongo 27:22

Ho o Musa wodiai mata-mata gea duru imaketero hoka wihibehehongoka la Ma Jou o Yawe ai mau waniiki. Ho manga hidemo abe wahidemo Ma Jouika, o Eleasara, de o Yosua ahao o Musa wao o Isiraele ma nyawa manga doomu ma himangika la wahiketehirihimanga de manga doomu ma amokika.

Higalioli 3:21

“De ma oraha gea ngohi tihuloko o Yosuaika tato, ‘Ngona ma hirete namakeoka Ma Jou ai datoro mata-mata abe wodiaioka la wahikala ma koano yahinooto naangoka. De hokogenangoo ahao wodiai manga koano mata-mataika abe ngini ahao niahimanga doka o Yorodani ma akere ma honongaka.

Higalioli 3:28

Masara gea kiani o Yosua unangoli ngona nigorakiye la wonituruuru. Ho unangika ngona kiani nihigaro de nihiputurungu ai hiningaika. Angamoi una gea ahao wahihira-hira o Isiraele ma nyawa la yomahihora doka ma akere ma honongaika. De unangoo abe ahao wahidoaka ma tonaka mata-mata gea onangika la idadi to ona manga oara ma tonaka.’ Hokogea Ma Jou ai demo ngohino ma dodihiraka gea.

Higalioli 31:23

De ahao Ma Jou wigoraka o Yosua, o Nuunu ai ngofaka gea, de wihitagongo de ai karajaanga. De gea Una witemo o Yosuaika wato, “Ngonaika tonihigaro tato irahai nomaputuhu la naga de ani buturungoka de nomahidomoroini dika! Angamoi ngona kiani nahihira-hira ani gogianongoru mata-mata o Isiraele ma nyawa naa la nimakutono niwohama ma tonakika gea abe Ngohi tahibehehongo nia totoforaika tato ahao tahidoaka onangika. De ma oraha ngini niwohamika de Ngohi tininii-niiki nginika.”

Higalioli 34:9

De naa o Yosua wodadi o Musa ai duruuru abe o Musa wihitunguuokau o Isiraele ma nyawa manga himangoka. De ma oraha wihitunguu wodadi ai duruuru de o Musa wifokumu o Yosua ai mumukuku de o Yosua wamake o sosawaro ma hiakunu ai hiningaka abe duru iwihipareta ngaro ai hiningaka de ngaro ai datorokaoo. Ho o Yosua ai demoino o Isiraele ma nyawa duru iwihigihene hiadono yaniiki Ma Jou o Yawe ai pareta mata-mata gea abe wihidoaka o Musaika de o Musali wadofanga onangika.