Gegetongo 25:2 - Ma Jou ai Demo-demo o Totobelohoka

² Abe o ngo-ngofeka gea yaahoko ma nauru la ka idadi yaniiki ma oraha manga huhuba yomahihuba manga jou-jouika. Ho o Isiraele ma nyawa yaniiki de yomakutuono yolomo manga ngolo-ngolomoka, de gea ma oraha abe yomahuba-huba de yomaponuku to ona manga jou-jou ma homoaika.

Gegetongo 25:2 Iomraidhean Croise

1 Kokoano 19:18

De naga moioli ahi hingahu ma demo ngonaika, abe nagahi o Isiraele ma nyawa yasana tumidi manga ngoe abe ko ma moiuahi yomahuba o nyawa manga jou o Baalika gea, de ngaro o Baala ma rupa ma enangika ko ma moiuahi yabounu. Ho yasana tumidi gea ona ko yorehenua Ngohino de Ngohi tadatoko o boditoino la ka yowangohi.”

Higiriiri 106:28

De ahao naga nanga totofora abe yomatobahuba-huba o pangao o Baalika, Yaniiki o Moaba ma nyawa ma oraha yomahuba o Baalika o Peoro ma lokuoka, De ngaro manga huhuba ma inomo abe yahihuba manga goma-gomangika, Ma Jou ai nyawa onangoo yaolomo manga huhuba ma inomo gea.

Huhupu 20:5

Abe ngini ka ihikaika moioo de ko idadiua nimahuba eko nimaponuku o popangaoika angamoi Ngohi naa Ma Jou o Yawe ti ngini nia Jou. De Ngohi todohata o pangaoika ho gea ngini tinigoana done genangino naga inihikatingaka Ngohino. De ma titi o nyawa ihidohata Ngohino hiadono hokogea yodiai de ona gea ahao tahohowono ka hiadono manga totoforauku yolape hangeuku de yolape iatuku.

Huhupu 22:20

“Ngini kiani nimahijou Ma Jou o Yaweika dika ho onagona dika yomahijou o popangaoika hiadono manga huhuba yomahihuba enangika kiani ona gea niahihihangoka la ibootohi yowango o duniaka.”

Huhupu 23:24

“O nyawa mata-mata gea yomatobahuba-huba o popangaoika ho ngini ufa nimaaduru hoka onangoli hiadono nginioo nimahuba manga popangaoika gea eko nihitunguu o horomati enangika. Masara ngini kiani duru niakokiwedere manga popangao gea ma oraha ma nyawa gea duru niahikalaka.

Huhupu 32:6

De o Harunu ai demo gea yaniiki ho ma dawangeino o ngoru-ngorumino de yokokiboaino, de naga utu yaoino o aewani la ena gea yomahihuba. Ho manga aewani gea utu idadi manga huhuba iharo-harongo. De utu idadi o dame ma huhuba abe ma hononga yomahihuba Ma Jouika de ma hononga ona yaolomo. Gea yomahuba ibooto de ahao ona mata-mata yomulaenge ihirame-rame de manga inomo de manga daluku. De ona yoselo-selo de yodiai irupa-rupa de mata-mata gea Ma Jou wamake.

1 Korintusu 10:20

Koua! Hokogenangua, angamoi manga pangao gea ko kia-kiaua. Masara abeika ahi demo naa tato tinidotoko nginika. Abe ona ko o Yahudi ma nyawaua, ona gea yomatobahuba ma ko Ma Jouikaua, masara gea yomahuba o toka-tokatika dika. De ngohi duru ko toigoua hokogea nimahigagao o toka-tokatika.

Higalioli 32:38

De ngini niahihuba o aewani ma haki enangika gea, de nagali o angguru ma teongo ma gohaka niahihuba nia jouika gea la bari yokere. Ho irahai ena gea dika imasikaa de iniduhunu nginika, de abeika nitaili dika la nimahitatoko enangoka ma oraha o bodito inidaene!

Yosua 23:16

“Ho ufa ngini niawohanga Ma Jou o Yawe ai pareta ma behehongo abe winihitagongoka. Ena gea kiani nihingounu angamoi nako ahao idadi ai pareta gea niatilakuru hiadono nimahuba o jou-jou utuika, de ka hiadono nioleleani to ena ma pangaoika de hiadono nimaponuku enangika, gea ahao Ma Jou ai ngamo duru ifae nginika. De nako Ma Jou o Yawe ai ngamo itagi nginika hiadono winihohowono de gea duru itaiti de ngini winihiofioka nia tonaka duru ma rorahaiino naa abe winihidoakoka.” Hokogea o Yosua ai higaro de ai hitiari ma demo ai gogianongoruika.

Yosua 23:7

Ho kiani duru nimahidodiai la ufa nimaketedodiawo de ona abe ka yogogerohi o tonakoka naa. Ngaro to ona manga jou-jou ma roma-romanga, ma, ufa niafetongo. De utuohi nimagoana la ufa nimahuba enangika. De duru nimahidodiai la ufa nihikoboto de niapake o jou gea ma romanga nia koboto ma demo ma goronaka. De duru ko idadiua nioleleani enangika gea.

Himatoko 2:14

De masara naga utu ahi dodaere ma titi nginika. De ngini ka niahigunoa o nyawa utu nia hidogoronaka abe ona yanii-niiki o Nikolausu ai rerehene ma dodotoko. De nako to ona manga dodotoko, tanu gea ngade-ngade imaketero hoka ma dodihiraka o Bileama ai rerehene, abe una gea ma dihiraino wahirehene o Isiraele ma nyawaika ma titi o Balakino. Abe ma oraha gea o Bileama widotoko o Balakika abe hokokia wodiai la o Isiraele ma nyawa yoruba de yahowono Ma Jouika. De gea o Bileama wahigaro la ona o pangaoika yaniiki abe yaolomo o inomo abe ihihubaka o pangaoika, de nagali abe wahigaro la o howono manga badangoka yodiai. De hokogea idadi o Isiraele ma nyawaka abe duru ma deka-dekanuku. De naa ngini nimaketero dika abe hoka ona o Isiraele ma nyawa ma oraha gea, angamoi nginioo niahigunoa o nyawa utu nginioka abe ona yanii-niiki o rerehene ma dodotoko, de ona gea inihigaro nginika la ato nginioo niruba de niahowono Ma Jouika.