Gegetongo 24:5 - Ma Jou ai Demo-demo o Totobelohoka

⁵ “De abeika o Yakubu ai totoforauku manga tau o ngoerino! Ma rorahai gea to ona manga tau ma doomu o ngoerino, Duru ma hohailoa ti ngini nia gogere ma ngi-ngi gea, Ngini o Isiraele ma nyawa abe inihiowa nia gogere ma ngioka.”

Gegetongo 24:5 Iomraidhean Croise

Gogao 23:42

De ngini mata-mataika abe nimaboa o Isiraele ma nyawa idodutu kiani nigogere nia hijai-jai ma tauoka o rame-rame ma wange tumidino ma dekana gea.

Maleaki 2:12

Ho koaho Ma Jou o Yawe watoaka de waumoika o nyawa onagona dika abe manga datoro hokogea hiadono ona watingakika o Isiraele ma nyawaka de aika. De ngaro ona gea yomahihuba de o huhuba moi Ma Jou o Yawe Wokokurutiye, masara ko idadiua, kiani ona gea watingakika dika!

Gegetongo 24:2

Abe genangoka ka idadi wamake o Isiraele ma nyawa yongodumu de manga gogere duru de ma hiaturoka. Abe manga dutu ma doomu ngimoi de hinooto naga homoi-homoiika manga ngi imaketemomomoi abe ihigoko manga tau o ngoerino. Ka de o Bileama wadamaana o Isiraele ma nyawaika de Ma Jou o Womaha wihilufungu.

Gegetongo 24:4

Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.”

Gegetongo 24:6

“Nia tau o ngoerino nihiaturu la nia dodoomu iwoatika, Ho hiadono ihikokaika idola-dolaika ti ngini nia doomu ma ngi. Imaketero hoka o nyawa manga redi ihikokaika yobati-batingoka, O akere ma datekiha de yodahahuru ma akere manga redi-redika. De nia tau ma rupa hoka o gota moi abe Ma Jou o Yawe wohiwangoiye, Ho ma rupa itolomiye duru irahai hiadono de hosanangi enangika, De hoka o gota imatatorika o akere ma ngigoroka ti ngini nia tau.”

Higalioli 33:29

Ho ngini naa o Isiraele ma nyawa nia hiowa duru kohangoe niamakeoka! De ngaro o nyawa mata-mataika masara ka ngini dika abe Ma Jou o Yawe winiduhunu nginika, ho ka ti nginiohi nia utumu duru ilago-agomo abe nako de o nyawa utu mata-mata! Abe Una ma hirete wodadioka ti ngini nia dadatoko, de ka idadi hihiromanga hato Una hoka nia humaranga abe duru ka ihikaika itobalaku! Ho hiadono nia musu ka yomaponuku dika nia himangoka ma titi manga modongo, de ngini ka idadi niadoko-doko onanguku angamoi ona duru yokalaka.” De hokogea dika aika o Musa ai hiowa ma demo o Isiraele ma nyawa mata-mataika abe ma oraha itigioka ai wowango ma baha.

Yosua 24:10

Masara o Bileama gea Ngohi Ma Jou ko tigihenua ho ko tihigunoaua hokogea nia totofora wahikangela ka hiadono Ngohi tihuloko la una ahi nyawa wahiowa dika. Hokogea Ngohi Ma Jou ahi nyawa tadatoko o koano o Balaka ai hidee ma dorouino.”