Gegetongo 24:18 - Ma Jou ai Demo-demo o Totobelohoka

¹⁸ O Edomo ma nyawa onangoo ma, ahao una wahikala, Ka de ona o Seiri ma tonakoka iwimusu de waparangi hiadono wahikala. Masara o Isiraele ma nyawa ka ihikaika manga buturungu idogo, Ona ka ihikaika yogila-gila manga buturungu de manga tobalaku idogo.

Gegetongo 24:18 Iomraidhean Croise

Dodadi 27:29

De Ma Jou wonihigunoa la o nyawa manga ngoe, Ona duru de manga horomati ngonaika, Abe ngaro o kiaka dika manga dutu yogogere, Ma ona yoigo inileleani ngona. De Ma Jou wonihidadi ani gogianongoru manga baluhu, Hiadono ngoni meme ami ngofa-ngofakuku ngona nakokipareta, De onagona dika abe ahao iniao itorou, De ahao onangoo duru yamake ma dorou. De onagona dika abe ahao iniao irahai, De ahao onangoo duru yamake ma owa.”

Dodadi 27:40

De ngini nimadatoko o kangelaino de nia dia, La gea ngini nimaduhunu la niwango. De ani dodoto ahao winikokipareta. Masara ika-ika de ma dubuho gea ko niapoakaua, De ahao ka idadi nimahihupu ai giamino.” Hokogea dika o behehongo ma demo abe o Esau wamake ai babaino.

Dodadi 32:3

De o Yakubu wairiki la ai nyawa yamuruono naga abe ka idadi ai demo yototaka ai riakika o Esauika. Una wogogere o Seiri ma tonaka ma honongaka abe ihiromanga o Edomo. Ho genangika wahidingoto la ai riaka iwitutumu.

2 Samuele 8:14

De o Dautu wahikalaka de ahao wahidingoto ai tentara ma nyawa utu la yomanoa o Edomo ma nyawa manga kapo-kapongoka de yagoa-goana manga musu gea de ufa hiadono yomaketeparangioli de o Isiraele ma nyawa. Ho o Siria ma nyawa onangoo kiani iwihingounu o Dautika. De gea duru igoungu abe o kiaika dika o Dautu woiki la yomaketeparangi de manga musu de Ma Jou o Yawe duru widuhunu unangika ho ka ihikaika wotobalaku-laku.

1 Kokoano 11:14

De ipahaino de naga o Edomo ma nyawa womatengo ai romanga o Hadada. Abe una gea o Edomo manga koano ma dihiraino ai toforauku womatengo. De Ma Jou o Yawe wokarajaanga o Hadada gea ai hiningaka la wihidadi o Saloomo ai musu womatengo.

1 Kokoano 11:15

De hokonaa o Hadada ai wowango ma ade-ade. Ma dihiraino abe ma oraha o Dautu nagahi de o Isiraele ma nyawa de o Edomo ma nyawa yomaketeparangi hiadono o Isiraele ma nyawa yahikala o Edomo ma nyawaika. Ho yomaketeparangi ibooto de o Isiraele manga tentara ma hidimono o Yoaba una ko woliouahi o Isiraele ma tonakika masara womanoahi o Edomoka la ka idadi o Isiraele ma tentara yohone-honengoka yakokilungunu.

Gegetongo 20:18

Masara o koano gea wato, “Hokonaa ahi babaluhu o Musaika, ‘Ngohi duru toluku ngini niboa ahi tonakino! De nako ngini nimiribuutu ngomino la hiadono niboa ahi tonakino de gea ngohi ahao tinibuhuku de tao ahi tentara!’” Hokogea o Edomo manga koano manga gogahoko wopaluhu.

Gegetongo 24:19

O Yakubino, o koano gea womaboa abe o nyawa manga ngoe wahipareta, De ona abe waparangi de manga hou naga, wahigilio de wahibinaaha.” Hokogea o Bileama de ai demo ma betongo o dakoro wahidaere.