Gegetongo 23:7 - Ma Jou ai Demo-demo o Totobelohoka

⁷ De onangika o Bileama wahingahu de ai demo ma betongo o dakoro abe Ma Jouoka de aino, wato, “O Balaka wohiahokino o Arama ma tonakino, Ngohi o wange ma hiwariha ma loku-lokuoka, De una o Moaboka manga koano wohihibehehongo, wato, ‘Ngona noboa ngohino la o Yakubu ai totoforauku nagahoko o kokangela, Kiani noboa de nahitipokouku o Isiraele ma nyawa!’ Hokogea ngohino ai behehongo ma gogahoko o Balaka.”

Gegetongo 23:7 Iomraidhean Croise

Dodadi 10:22

O Seeme ai ngofa-ngofakuku naga manga romanga hokonaa: o Elama, o Asuru, o Apa-kasada, o Luudu, de o Arama.

Dodadi 28:2

Ho kiani ma oraha naa nomaoko de nosobo la noiki doka ngoni meme ami baba o Betuele ai tauika o Padana-Arama ma tonakoka. Ngoni meme ami iranga o Labana naga genangoka wogogere de ka idadi momatengo ngoi ora nomaagao la modadi ngoni fekata. Ho naa nomataiti nomahidiai noiki!

Dodadi 28:7

De o Esau wohioriki manga baba de manga meme o Yakubu wahingounu angamoi woikoka o Mesopotamia ma tonakika.

Habaku 2:6

Masara ko itedekanuahi de marai manga musu onangoli ka idadi yamia-mia onangika. Abe ona ahao yotemo ato, ‘Naa ma duruino de ngini nimagora dika o nyawa manga kiahonanga la ka idadi ti ngini nia kaya itou-touniye. Masara nia datoro gea ko ihikaikaua angamoi ahao kiani naga to ena ma dodogumu. Abe itigioka ma oraha abe nia hininga ma huha iboaino de duru inihikangela nginika.

Gegetongo 22:11

De to una ai hingahu ato bari naga o nyawa duru ko manga ngoe yohupu o Mesiiri ma tonakino. De ma oraha naa ona yomahiadonikaka to una ai tonakoka de manga ngoe dika hiadono ai tonaka ma dola ko hamakeokaua. De o Balaka gea wogahoko la ngohi toboa unangika de o nyawa manga ngoe-ngoeika gea ngohi tagahoko o kokangela onangika la hiadono manga buturungu ikuranga. Abe nako manga buturungu ikuranga wato marai una de ai nyawa ka idadi yaparangi onangika de wahihupu to una ai tonakino. Gea ma titi hiadono una wahidingoto la ai demo ona yoboa yototaka ngohino naa.”

Gegetongo 22:17

De tonihibehehongo abe ani utumu duru kohaamoko tonihidoaka ho iti ngona noboa de o kia dika nogahoko de idadioka to ngona. De gea ena idadi o horomati ma dodunguu ma amoko ngonaika. Mata-mata gea tonihibehehongo ahao todiai iti ngona noboa de naagahoko o kokangela o nyawaika abe ona naa yoboainoka mia tonakoka. Ho duru ngohi tonganono ani duduhunu gea.’ Hokogea mia baluhu to ngomi mia koano o Balaka ai behehongo ngonaika.”

Gegetongo 23:18

De unangika o Bileama wihingahu de ai demo ma betongo o dakoro abe Ma Jouoka de aino, wato, “O Balaka ngona nomaokoino de ani hininga ma gahumu nototoihene, De ahi demoika ngona, o Siporo ai ngofaka, kiani nohihigihene.

Gegetongo 23:6

Ho o Bileama wigilio o Balakika de wimake una de o Moaba manga popareta ma nyawa ona mata-mata iwidamaa abe yomaokoinohi o huhuba ma ngi ma datekoka.

Gegetongo 24:15

Hokogea o Bileama wihingahu o Balakika de ahao womulaenge de ai demo ma betongo o dakoro moioli abe Ma Jouoka de aino, wato, “Ngohi o Bileama, o Beoro ai ngofaka, De ahi hingahu ma demo naa abe Ma Jouoka de aino, Ngohi o nauru abe Ma Jou ai mau tamake la ahi hiningaka itararono,

Gegetongo 24:21

De ahao o Bileama womalegaoo o Keni ma nyawa manga tonakikali de naga ai demo ma dakoro moioli abe ma dumutu onangika, wato, “Abeika ti ngini nia ngi abe nimahidutu nia tofora o Kenika, Nia gogere duru o lokuhakaruoka abe ko initotokiaua inihikangela nginika, Hoka o totaleo ma igutu o bilatu ma hakaruoka nia gogere ma ngi.

Gegetongo 24:23

Gea wotemoka de ahao naga o Bileama ai hingahu ma baha de o demo ma betongo o dakoro, wato, “Abeika, ka de Ma Jou womaputuhu wohiwedere o nyawa manga kuaha, De ngaro ona gea duru ko manga ngoe de manga buturungoka, Masara ona gea ahao ko idadiokaua yofaa-faatuku, Angamoi duru Ma Jou ai hidee onangika gea ahao idadi.

Gegetongo 24:3

De una womulaenge wohidemo ai demo ma betongo o dakoro abe Ma Jouoka de aino, wato, “Ngohi naa o Bileama, o Beoro ai ngofaka, De ahi hingahu ma demo naa abe Ma Jouoka de aino, Ngohi o nauru abe Ma Jou ai mau tamake la ahi hiningaka itararono,

Matiusu 13:33

De ahao o Yesusu woade-ade o hiketero moioli onangika abe enangoo ma titi hokokia Ma Jou ai nyawa yodadi yowoe abe ma oraha wahikoano ai nyawaika. De gea o Yesusu wotemo wato, “De naa o hiketero moioli tinihingahu abe ma titi hokokia Ma Jou wahikoano ai nyawa. De naga momatengo o ngofeka abe momadiai o roti. De muna maleino o ragi ma hohutulu dika de gea mohikasapuru de mohidoojo de o tarigu kohaamoko abe ngade-ngade o litere moruata ma amoko. De ngaro o tarigu gea kohaamoko de ma ragi duru ma hohutulu dika mohidogo, masara gea ahao ma tarigu mata-mataika ifero ma titi ma bobero ma kuaha ma ragioka gea. De hokogenangoo idadi abe ma oraha Ma Jou wahikoano ai nyawa.” Ho o Yesusu ai hiketero enangoo ma titi ka imakadaene dika de abe kangano. Abe ma titi ma dodihiraka de Ma Jou ai nyawa duru ko yowoe-woeua, masara ika-ika de ahao duru yodogo-dogoli yowoe hiadono ma bahauku de duru ko manga ngoe iwingaku-ngaku Unangika.

Matiusu 13:35

De abe o Yesusu ka ihikaika wadotoko de o hiketero ma ade-ade, genangino de duru imakiniiki de ihingodumu moi Ma Jou ai Demo-demoino abe duru ma dodihiraino de atulihukuoka. De ai demoka gea de itemo ato, “De Ngohi ahao totemo-temo nginika de o hiketero ma ade-adeino. De genangino Ngohi ahao tinihitararono nginika o dogogono ma titi, abe ma dogogono gea ngaro ma dodihirainohi abe ahao Ma Jou watulaada o dunia naa de ka hiadono ma oraha naa ma o nyawa duru ko ihiorikuahi ma titi genangino. Ho ma dogogono ma titi ahao tinihitararono ahi hiketero ma ade-adeino.” De hokogea Ma Jou ai demo ma dodihiraino abe ma demo gea ma hidumutu duru o Yesusu ai dodotokika.

Maruku 12:12

De ma hohidimono gea duru ihiorikoka abe o Yesusu ai hiketero gea tanu wahiketero ona, abe ona iwioluku Unangika. De tanu ona ato ma oraha gea dika de o Yesusu iwitaokino masara ko idadiua angamoi yamodongo o nyawa yowoe-woeika hiadono ka iwikokinoaika dika ho ona ka yokokilio dika.

1 Samuele 17:10

Ho ngohi naa tinidodanauru ngini o Isiraele ma tentaraika! Ngini ko o tentaraua nako ko moiua naga nginioka abe ka idadi niwiiriki la una woparangi ngohino.” Hokogea o Goliata ai hohedu ma demo o Isiraele manga tentaraika.

1 Samuele 17:36

De una o Filistina ma nauru gea ahao wodadi hoka o aewani gea angamoi ngohi tolakuoka o beruanga de o singaino ho hiadono ngohi ihimoroini tihimanga o Filistina ma nauru nenanga abe una duru ko Ma Jou ai nyawaua. Abeika una waemono Ma Jou Wowango-wango ai tentara de una o Filistina ma nyawa abe inamusu ngone, ho done sarakia de hiadono ngohi tihigunoa la ka wowangohi?

1 Samuele 17:45

De o Dautu wopaluhu de ai ilingi ma amokiye, wato, “Ngona noboa ngohino de ani humaranga, de ani kuama, de ani hokiiki. Masara ngohi toboa ngonaino de Ma Jou o Yawe ai romanga abe Una Ma Jou Wokokurutiye, Ma Jou abe wahihira-hira o Isiraele ma nyawa manga tentara abe ngona nahoheduoka onangika.