Gegetongo 23:5 - Ma Jou ai Demo-demo o Totobelohoka

⁵ De Ma Jou o Yawe naga ai demo o Balakika abe o Bileama kiani wadofanga unangika, wato, “Bileama, kiani nigilio o Balakika de ahi demo duru naniiki itiai abe hoka tohingohamoka ani hiningaika.” Hokogea o Bileama de Ma Jou yomakoketemo.

Gegetongo 23:5 Iomraidhean Croise

Huhupu 4:15

Ho ngini inihinooto nimakiniiki de o Harunu ahao tihidadi ani uru ma dodofanga o nyawaika hiadono o kia dika Ngohi Ma Jou tonihingahu ngonaika gea ahao nihingahuoli ani riakika la una ahao wotemo-temo onangika abe ahao tinihidumutu. Hokogea Ngohi tinidotoko inihinootoika la gea nihioriki o kia nidiai de o kia nitemo.

Gegetongo 22:20

De o futu gea idadi hoka o Bileama wonganono abe Ma Jou woboali unangino de wihingahu wato, “Bileama, abe ona naa yoboaino ka idadi naniiki angamoi manga koano wonibehehongo. Ho ngona noiki naniiki masara abe ahao nodiai gea ena dika abe Ngohi tonihingahu ngonaika la ka idadi nodiai. De ufa naniiki to ona manga huhuloko ngonaika.” Hokogea Ma Jou wihingahu o Bileamika.

Gegetongo 22:35

Masara Ma Jou o Yawe ai malaekata woihene o Bileama ai demo gea de iwihigunoa dika wato, “Ngona naniiki dika o nau-nauru nenanga masara nomahidodiai notemo onangika. Ngona kiani nohidemo dika abe ngohi tonihingahuoka.” Hokogea o malaekata iwihigunoa ho o Bileama wogila-gila waniiki o Balaka ai hidingoto o Moaba ma nyawa manga poparetaino.

Gegetongo 23:16

Ho o Bileama waika de ma moioli Ma Jou o Yawe naga ai demo o Balakika abe o Bileama kiani wadofanga unangika, wato, “Bileama, kiani nigilio o Balakika de ahi demo duru naniiki itiai abe hoka tohingohamoka ani hiningaika.” Hokogea o Ma Jou wihuloko o Bileamika.

Gegetongo 23:4

De igoungu Ma Jou woboaino witutumu de o Bileama wotemo Ma Jouika wato, “Ngohi naa tohiaturu la naga o huhuba ma ngi tumidi de tonihihuba o hapi tumidi de o domba tumidi abe o huhuba ma ngi amomoiika tonihihuba o hapi moi de o domba moi ibooto.” Hokogea o Bileama ai niniata ma demo Ma Jouika.

Gegetongo 23:6

Ho o Bileama wigilio o Balakika de wimake una de o Moaba manga popareta ma nyawa ona mata-mata iwidamaa abe yomaokoinohi o huhuba ma ngi ma datekoka.

Lukasa 12:12

Angamoi ma oraha gea abe ngini nimaokoino o nyawa yokurutiye manga hima-himangoka de Ma Jou o Womaha Una winidotoko abe hokokia ahao nitemo.”

Yohanese 11:51

Masara o Kayafasa ai demo gea ko to unangua ai hiningaka de aino idadi. De ma oraha gea una o hohidemo Ma Jouiye manga hidimono wokokurutiye. Ho ma titi ai tagongo Ma Jouika gea hiadono Ma Jou wipake la wahingahu abe o Yesusu kiani ahao wohonenge la waduhunu o Yahudi ma nyawa mata-mataika.