Gegetongo 23:4 - Ma Jou ai Demo-demo o Totobelohoka

⁴ De igoungu Ma Jou woboaino witutumu de o Bileama wotemo Ma Jouika wato, “Ngohi naa tohiaturu la naga o huhuba ma ngi tumidi de tonihihuba o hapi tumidi de o domba tumidi abe o huhuba ma ngi amomoiika tonihihuba o hapi moi de o domba moi ibooto.” Hokogea o Bileama ai niniata ma demo Ma Jouika.

Gegetongo 23:4 Iomraidhean Croise

Gegetongo 22:20

De o futu gea idadi hoka o Bileama wonganono abe Ma Jou woboali unangino de wihingahu wato, “Bileama, abe ona naa yoboaino ka idadi naniiki angamoi manga koano wonibehehongo. Ho ngona noiki naniiki masara abe ahao nodiai gea ena dika abe Ngohi tonihingahu ngonaika la ka idadi nodiai. De ufa naniiki to ona manga huhuloko ngonaika.” Hokogea Ma Jou wihingahu o Bileamika.

Gegetongo 22:9

De o futu gea Ma Jou woboa o Bileamino de waleha ma titi ona abe yoboaino, wato, “Bileama, onagona gea yoboaino inirekata?”

Gegetongo 23:1

De genangoka o Baala ma loku ma tubu-tubuoka o Bileama wihuloko o koano o Balakika wato, “Ngohi togahoko la ngona nonahidiai o huhuba ma ngi tumidi nenangoka de ma huhubaoo nonahidiai abe kiani naga o hapi ma nauru tumidi de o domba ma nauru ma baluhu de enangoo tumidi.” Hokogea wihuloko.

Gegetongo 23:16

Ho o Bileama waika de ma moioli Ma Jou o Yawe naga ai demo o Balakika abe o Bileama kiani wadofanga unangika, wato, “Bileama, kiani nigilio o Balakika de ahi demo duru naniiki itiai abe hoka tohingohamoka ani hiningaika.” Hokogea o Ma Jou wihuloko o Bileamika.

Gegetongo 23:3

De ahao o Bileama wihuloko o Balakika wato, “Ngona nomagoo-gogerohi dika nenangoka ani huhuba ma datekoka de ngohi toikohi tomatingaka. Abeika nako Ma Jou o Yawe ahao wohitutumu de naga ai demo ngohino. De o kia dika wohihingahu ngohino gea dika ahao tohidemo ngonaika.” Hokogea wihingahu o Balakika de ahao woiki o loku gea ma tubu moiikali abe o hakaru mata-mataika.

Gegetongo 23:5

De Ma Jou o Yawe naga ai demo o Balakika abe o Bileama kiani wadofanga unangika, wato, “Bileama, kiani nigilio o Balakika de ahi demo duru naniiki itiai abe hoka tohingohamoka ani hiningaika.” Hokogea o Bileama de Ma Jou yomakoketemo.

Matiusu 20:12

‘Ou! Ona gea kangano yokarajaanga ka o takoro moiino dika masara onangoo yamake manga tiwi ma gahumu moi abe imaketero hoka ngomioli naa! Masara ngomi naa mia karajaanga duru o wange moi ma gahumu abe imidahauku ma oraha o wange ma hau-haukoka! Ho gea duru ko idadiua nomidiai hokogea!’”

Lukasa 18:12

Abe ngohi naa o minggu moi ma hinooto topuaha, de o kia dika mata-mata tomamake de gea taregu ngimoi la ma regu moi tonihigilio Ngonaika.’ Hokogea o Farisi ma nyawa ai niniata ma demo.”

Yohanese 16:2

Angamoi ahao naga o nyawa inihihupu nia dodotoko ma tauino de hiadono inioluku ma titi nia ngongaku Ngohino. De igoungu naga ma oraha ahao iboa de ngini o nyawa initoma, ato kiani hokogea la iwihisanangi Ma Jou.

Roma 3:27

Ho naa tonaleha moi. Ho sarakia, ka idadi ngone homagorakiye ma titi hototiaioka Ma Jou ai himangoka? Duru ko idadiua! Angamoi nako hoka ngone hatobanii-niiki itiai to Una ai Paretaika, gea marai ahao ngone ka idadi homagorakiye. Abe gea ka idadi homahikurutiye hato, “Ma Jou wohihitotiai ngohi ma titi to Una ai Pareta ka ihikaika taniiki enangika!” Masara duru ko idadiua homagorakiye, angamoi ngone moioo de ko hakunua haniiki itiai ai Pareta gea! Ho ngone naa ka idadi duru hohioriki abe naga ma titi moi dika hiadono o nyawa Ma Jou wahitotiai. De gea ko ma titiua manga datorino abe yatobanii-niiki ma Paretaika, masara abe ma titi manga ngongakuino dika hiadono Ma Jou wahitotiai onangika. Ho mangale ma titi nanga totiai gea hamake de ko ihititiua nanga datoroka de aino, ho ngone duru ko idadiua homagorakiye ngone ma hirete angamoi ka Ma Jouoka dika abe wonahitotiai.

Efesusu 2:9

De gea duru ko ma titiua la ti ngini ma hirete nia karajaanga eko nia datoro ma hasili de hiadono nimaduhunu, ho done o nyawa onagona dika de yomasade ma titi genangino.