Gegetongo 22:9 - Ma Jou ai Demo-demo o Totobelohoka

⁹ De o futu gea Ma Jou woboa o Bileamino de waleha ma titi ona abe yoboaino, wato, “Bileama, onagona gea yoboaino inirekata?”

Gegetongo 22:9 Iomraidhean Croise

Dodadi 16:8

De womileha munangika wato, “O ngo Sarai ami gilaongo o ngo Hagara, ngona naa o kiaino noboa? De nato o kiaika noiki?” De muna mopaluhu mato, “Naa igoungu, ngohi toara, ahi dutu o ngo Sarai gea tomidogunoaika.”

Dodadi 20:3

Masara ahao o futu moiuku de o Abimeleke wobuluhara, de ai buluhara ma goronaka de Ma Jou wihingahu unangika wato, “Abimeleke, ma titi ani howono ho naa ngona nohonenge! De angamoi muna gea abe naa ma duru nomiaoino la nomihidadi ngoni fekata, muna gea ami rokata nagau.” Hokogea Ma Jou wihingahu.

Dodadi 4:9

De ahao Ma Jou wibole ma goa-goahi wileha o Kainika wato, “Kaini, ani dodoto una o kiaikaka?” De wipaluhu Ma Jouika wato, “Aiyaho, de ngohi naa ko tihiorikua, mode ngohi ahi dodoto ai gogoana?”

Dodadi 41:25

De ahao o Yusupu wihingahu o Firaunika wato, “Ahi koano, ani buluhara hinooto gea imakadaene ma titi, de gea Ma Jou wonihingahuoka ngonaika gea ahao Una wodiai.

Huhupu 4:2

Ka de hokogea o Musa womademo de Ma Jou wileha unangika wato, “Gea ani kia nasoino?” De o Musa wopaluhu wato, “Naa ahi tutukunu abe tapake o domba de o kabingi togoana.”

Gegetongo 22:10

De o Bileama wipaluhu Ma Jouika wato, “Ona gea o koano ai demo yototaka ngohino. Abe o Moaba ma nyawa manga koano o Balaka, abe una o Siporo ai ngofaka, una gea wahidingoto ngohino la ai demo yototaka.

Gegetongo 22:20

De o futu gea idadi hoka o Bileama wonganono abe Ma Jou woboali unangino de wihingahu wato, “Bileama, abe ona naa yoboaino ka idadi naniiki angamoi manga koano wonibehehongo. Ho ngona noiki naniiki masara abe ahao nodiai gea ena dika abe Ngohi tonihingahu ngonaika la ka idadi nodiai. De ufa naniiki to ona manga huhuloko ngonaika.” Hokogea Ma Jou wihingahu o Bileamika.

Gegetongo 22:8

De o Bileama wapaluhu onangika wato, “Ngini kiani nimaiduohi ngohioka la itebini o ngorumino de ahao ti ngini nia gogahoko ngohino tapaluhu. De ahi babaluhu ma demo gea abe ahao Ma Jou o Yawe wohihidoaka ngohino la tinihingahu nginika.” Hokogea o Bileama ai demo ho o hidingoto ma nyawa gea yomaidu unangoka.

Matiusu 24:24

Angamoi naga manga ngoe ahao yoboaino de yomahiromanga ato, ‘Ngohi naa ma Koano abe Ma Jou winihibehehongoka,’ eko utu ato, ‘Ngohi naa Ma Jou ai uru ma dodofanga,’ masara ona gea yotobabudi dika, ko yagou-goungua. De ona gea o heheranga ma ago-agomo yahimatoko o nyawaika la ato yomahitaana abe manga dodunguu gea Ma Jouoka de aino. Gea yodiai la ato o nyawa yabudi, de tanu yoigo ato Ma Jou ai nyawaikaoo yabudi, masara gea ko adadiua yabudi onangika gea.”

Matiusu 7:22

Ho nako ma wange adonoka gea abe o nyawa mata-mata manga wowango ma datoro atailako, de genangoka o nyawa manga ngoe ahao yomagahoko Ngohino la tadafongo ma titi manga datoro yodiaioka. Abe ona gea ahao yomademo ato, ‘Ahi Baluhu, nohidafongo ngohi naa ma titi ma dihiraino de ngohi tahingahu-ngahu ani Demo-demo o nyawaika. De abe yakitokata ona gea taduhunu abe ma tokata tohititoko onangoka de aino, de naga utuohi o heheranga todiai. De gea mata-mata tapake to Ngona ani romanga la todiai, ho kiani nohidafongo ngohi!’

Yohanese 11:51

Masara o Kayafasa ai demo gea ko to unangua ai hiningaka de aino idadi. De ma oraha gea una o hohidemo Ma Jouiye manga hidimono wokokurutiye. Ho ma titi ai tagongo Ma Jouika gea hiadono Ma Jou wipake la wahingahu abe o Yesusu kiani ahao wohonenge la waduhunu o Yahudi ma nyawa mata-mataika.